الموت على قيد الحياة

Part.. 39

#الموت_على_قيد_الحياة

للكاتبه: فاطمه علي

_____________________

غصن-

كالتها و لطمت لوجها ضلينه بحاله صدمه،، استوعبت من يزن ركضلها يريد يعرف شكو ما حجت كلمه وحده الا من طلعت دكتوره،،

___ من حاله صدمه،، و هم ضغظها معلك هذا السبب نزف الخشم،، باقيه مده قصيره و هي ضغظها معلك نحمد الله ما نجلطت،،
ساعتين و تصحى طمنو كل شي ماكو،،
حمدالله على سلامتها،،

ارتحنه من طمنتنه عليها اجت امي بس ما كالو ذبحه صدريه كالو ضغظها معلك،، لليل ضلينه ردنه نطلع محمد ما قبل كال الا تضل يمهم هاي الليله ما عرفت ليش ما قبل الا الفجر يلا عرفت سبب رفضه خروجنه
قسام اخد امي بالكوه قنعتها و راحت لبيت لان عكب باجر تجي خواتي،، ضلينه اني و يزن،،

رحت كعدت بالكافتيريا اجى مسج لموبايلي،، فتحته كاروان، رف گلبي مشتااكه اله ما حاجيه وياه من يوم العركه،،

كاروان: هلاو يا حلوه

غصن: اهلين

كاروان: ثكلانه عليه

غصن: تعرف حالي ما حاجه احجي

كاروان: حليانه،،

درت وجهي ادور عليه ما لكيته رجع دز

كاروان: على يمينج

رفعت راسي لكيته ويه صديقه بس ملتهي بالكتب و هو يباوعلي،، ابتسمتله و دنكت،، ردت اكتب بس اجى يزن،، تركت و رحت يم غسق،،

______________

غسق-

جانو يجوني مرضى يتمنون موت وانؤ اشجعهم للحياة بصفتي دكتوره ما جنت اخليهم يأيسون من دنيا و همه بعمر الورد،، بس هسه اني صرت هيج صرت اتمنى الموت بكل لحظه،،

محد يواسيني لان محد يدري شكو بگلبي،، اذوني اعز ناسي،، من عرفت شصار بيه ما انصدمت كمت اتقبل الي يصيرلي برحابه الصدر، ماريد اعيش بالدنيا ما بيها الوان

سكتت ما كلت بسبب الي شفته بغرفتي محد يصدك،، بس اني هسه يلا صدكت بغصن و هي شبه نست ما ردت اذكرها،، بس اطلع من هنا نطلع من بيتنه لغير مكان،،

هدوء و محمد مقهورين حيل ليش ما ادري واني مالي خلك اسألهم طنكرت فد مره افكر شلون ارجع لغرفتي،، لو نملك قوه دنيا كلها بهيج سوالف نموت من خوف،، هياتني اني ملقبه بقويه بمجرد الي شفته صارت بيه ذبحه صدريه،،

اجى محمد ساعه 11 بليل بلسانه حجي بس ميكدر ينطق،، كعد بالكرسي اجت هدوء هم اجت كعدت يمي تمسح على ايدي صايره صفره حيل،،

غسق: شبيج ليمونه

هدوء: انهبطت عليج،،

غسق: كل شي ماكو طمني