الموت على قيد الحياة

Part.. 33

#الموت_على_قيد_الحياة

للكاتبه:فاطمه علي

_______________

غسق-

عالم يموت مره وحده واني متت الف موته
بعد انكساري بيوم الي شفت بيهم سوه عقلي طار هو اني جنت اكره جنس الذكر هسه كمت اتقزز منهم
فتره و تعديت كلشي لان ما اعترفت اله بحبي لو معترفه جان حسيت انذليت الحمدلله على كل حال

هواي لح عليه يحجيلي كل شي و نرجع سوه ما تقبلت اسمع منه شي،، اصلن كرهته،، اتأنق اتمكيج البس احلى لبس و اكل و اشرب ما اهتميت اله بالعكس اتخبل من برودي و تجاهلي لان تعاملته بمعامله غريب،،،

اسوق بطريقي من بيت لمستشفى،، صفيت سياره نزلت منهه دخلت لمستشفى صادفتني هدوء تطلب ريوك سألتني متريكه كلت لا طلبتلي الي هم

كعدت حجت على عمليتهه ويه رمح هي تحجي واني مدنكه راسي و اكل خلصت ريوكي تركت موبايلي و كمت مشيت شوي شفت مريض يحتاج مي ماكو مراقب يمه طلبتله و طلعت لمكتب،،

امشي و مدنكه افكر برمح شبه محيت حبه من گلبي بس اتوجع من اشوفه كدامي،، رفعت راسي تهيألي خيال من باب المكتب،، وصلت يم باب واذا اسمع انفجار مو خبر،، حياء حامل!!!! شافني رمح نزلت راسي مكسوره الخاطر حسيت آلم الدنيا بصدري،،

رجعت خطوه لوره و ركضت شافني محمد ما سمعته شحجى،، دموعي لا اراديأ نزلت على خدي،، اسريع طلعت من مستشفى،، مثل الطلقه ركبت لسياره ما جنت ادري وين اروح او شسوي المهم اطلع من مكان الخنكني،، شغلت سياره و سقت باسرع ما يمكن ما جنت منتبهه لان شارده الذهن اسوق بس عقلي و فكري يم الي سمعته و شفته مو بالطريق

معقوله هيج خاني،، راح يصير اب من بطن حياء،، مستحيل اتقبل هالشي اصلن حياء هيج سوت حتى تكسرني اعرفهه اكبر نذله،، كرهته كرهته كمت اضرب لستيرن و اصرخ باعلى صوتي

__اكرررررررررررررررهك

ما حسيت بروحي الا اني بداخل نار ما عرفت شلون سويت حادث او بشنو دخلت الصوت وحيد الي سمعته ناس تصيح،، وخرووو سياره راح تنفجر

!!!!!!!!!!!!

فتحت عيوني بثكل رجعت غمضته فتحتهه مره اللخ هم رجعت نمت حسيت نص ساعه وكعدت مو عبالي شهور،،
للعطش يكتل كتل و ريحه مقعم و ديتول و صوت النبض و اجهزه و غرفه بيهه بروده استوعبت اني بعنايه مشدده،، رجعت غفيت مدري شكد دخلت هدوء،،

هدوء: رمح؟ تسمعني رمح،،

رمح: كولي هدوء اسمعج

هدوء: راح نروح للمقبره تجي ويانه

رمح: واعوف غسق؟

هدوء: ما تشوفهه غايبه ساعه و نرجع

رمح: احساسي يكول راح تصحى عن قريب اريد اشهد على كعدتهه،،