الموت على قيد الحياة

Part.. 36

#الموت_على_قيد_الحياة

للكاتبه: فاطمه علي

_______________________

غسق-

الحياة تجبرنه نقسى عالاشخاص الي نحبهم
حتى لو عزيز على گلبنه،،
الابنيه ما لازم تصير وياهه غلطه زغيره والا تخسر حياتهه نفسيتهه شخصيتهه
واني حادث و انكسرت و شللت يردوني ارجع احجي ويه رمح طبيعي

محيته من حياتي كرهته كد حبي اله،، صرت اكره جنس الذكر بالكامل،، هدوء حجتلي على موقفي ويه نجم كالت،، انسحبنه كلنه ما دخلنه،،
مو قصدي اوكع لحضنه بس حاول يكومني و يمشيني،، راد ادوس على جسمي لان راح يصير اربع شهور مكضيهه نومه جسمي تعب،، ف ما كدرت وكعت لحضنه

شفته تخربط احواله رجف جسمه كعدني لسرير طلع من غرفه،، ضليت شكد وحدي اجت هدوء يمي و طلعت،، بقيت اگلب بالدفتر و اقرء

هيج مرت ايام و اسابيع ما اشوف رمح بس احس بي من يجي بليل مره من مرات انطوني علاج بس ما بلعت المنوم همه يشربوني ياه لان بليل اصرخ من وجع راسي،، خليته بحلكي ضل الكل طلع ضلت غصن يمي بالغرفه لنص الليل هي هم نامت واني ضليت حسيت على صوت الباب غمضت ما فتحت عيوني ضليت ثابته،،

شوي و حسيت انفاسه على ركبتي و وجهي،، لزم ايدي مسح عليها ايده ترجف باسهه ما وخر شفايفه من ايدي ضل هيج دقيقه و رفع راسه من ايدي
تقرب باس كصتي وخر بقى لازم ايدي و يحجي

رمح: غسق تعبتيني حيل ورب تعبت ذليتيني بحبج
الكل عرف اني احبج بس انتي تقسين عليه هواي اتجاهل كلام الكل لخاطرج ادري كسرتج استاهل اتعذب بيدج بس كرامتي اهم ادوس على گلبي و امشي ولا يضل بيدج و تذلي

سكت يجر حسرات و الآهات شوي و تقرب لوجهي حجى بهمس،،

رمح: حتى ترتاحين راح ابتعد عنج،، اخلصج مني،، بس خلي ابالج محد ياخد مكانج بگلبي
اعشكج يشريان گلبي،،

باس خدي و ابتعد سمعت صوت خطواته و فتحه باب و انسد فتحت عيوني شنو جان قصده بابتعاده؟
شكد كرهته و اذيته ولا مره كال ابتعد منج بكل مره حاول وياي ارجعله بس هسه تنازل!!!

مدري شلون غفيت كعدت الصبح اخر جلسه عندي لان كدرت احرك اصابعي ما بقى شي كملت علاجي بالتدريبات النهار كلهه ما سمعت ب طاريه رمح،،
اجى محمد دخل وياه دكتوره غصن و هدوء جانن كاعدات دقائق و طلعت دكتوره كالت الليل تدريباتج

غسق: اكلك محمد

محمد: كولي غسق

غسق: شسمه اءء احم

محمد: شنو هوه

غسق: وين رمح؟

محمد: ليش؟ عاجبج يوميه تذلينه اليوم ما شفتي تكولين خل يجي حتى اذله بعد