الموت على قيد الحياة

Part.. 31

#الموت_على_قيد_الحياة

للكاتبه: فاطمه علي

______________

غصن-

اختي دخلت لعمليه ما طولت هواي العمليه لرجليهه نجحت الحمدالله بس بقت تصحى من غيبوبه شوكت مندري،، طلع دكتورهم جبير هم مدير هم دكتور بعده بملابس عمليات والكمامه والكفوف لابسهن،، اجت ممرضه تركض ما ادري شنو همست اله راح بساع حتى ما طمنه على غسق،، اجى دكتور ثاني شرحلنه الي اسمه قصي،، دخلوهه لعنايه مشدده مره اللخ ننتظر كعدتهه اهلي كعدو استراحه تعبو حيل ردت اتمشى شوي لان كرهت مستشفى صارلي هواي بيهه تعبت حيل،، دامشي بالممر شفت محمد شكله ابد مو بخير رحت يمه من شافني بهت،، حسيت اكو شي لان الكل مجتمع يم غرفه مدير،،

عرفت اكو شي مو زين لان محمد ما خلاني اشوف او اسمع منعني،،

محمد: شتسوين هنا،، شلونهه غسق

غصن: انت دكتور مو اني روح شوفهه على شنو تسألني وين هدوء،،

محمد: هسه تجي عدهه شغل،،

اجى وكف ويانه شخص ما جنت اتمنى اشوفه ابدأ ابدأ،،

كاروان: هلو يجماعه،،

محمد: اهلين كارو شلونك

كاروان: بخير وانت شلونك شو ما عاد نشوفك

محمد: صير دكتور تعرف و تقدر الاوقات معدنه وقت لكل شي نريده،،

كاروان: هم صح الله يعينكم،، وانتي شلونج شلونهه اختج،،

غصن: هياته دكتور يمك اسأله اله هو ادرى

باوع لمحمد بدهشه و ذاك كاتم ضحكته ماله خلك للضحك،،

محمد: اخت غسق بعد شتترجى منهن،،

كاروان: كفوو منهن والله ونعم،، نطلع لحديقه شنو رأيكم

محمد: انت شتسوي بالمستشفى،،

كاروان: هاا،، هيج والله زياره،،

محمد: زياره لو عندك حب هنا لان جياتك كثرو

ثنينهم ضحكو واني واكفه مثل الاطرش بالزفه،، ما جنه نعرف هاي اخر ضحكه لمحمد اجاه اتصال مد ايده لجيبه والضحكه راسمه وجهى الحلو،، شاف الاسم جان مكتوب بالانكليزي ما لحكنه نشوفه كبل فتحه خلاه بأذنه،، ما انو مايك ما جان مفتوح بس سمعنه صرخه واحد ويصيح باسم،، لك محمد،،
بهت شكله رخى عضلات جسمه ما عرفنه شكو صرخ صرخه لم المستشفى علينه،،

محمد: ووووولللككمممم لااااااا،،،يييووولوووو لااااا ماااا تمموووتتت لاااااا،،

وكع موبايل من ايده داخ لزمه كاروان كعده عالكرسي غمض عيونه كبل تغير لون وجهى صار شاحب،،

______

هدوء-

انهد حيلي كعدت بالكاع كلت خسرت غسق اصلن نسيت اسأل عنهه طلعت من عمليه لا،، التهيت بسالفه حياء،، وكعت قريب للباب مدير و رمح مثل الخبال كامو فتحو باب طلعو مرعوبين،، اجت ضي شالتني،، ما كدرت اسألهه شكو ما بيه حيل اسمع شي عن غسق،، ساندتني و مشيت وياهه طلعت لممر ثاني شفت الكل ملتم ما يبين شي صرخ مدير ليسون طريق ليتنفس،، سوو طريق شفت محمد كاعد عالكرسي شبه فاقد وعي،، يريدون يشربونه مي ما يقبل،، دقائق و صحى على روحه الدموعه واكفه بعيونه يلم شفته لداخل حلكه شكله يريد يبجي،،