الموت على قيد الحياة

Part.. 27

#الموت_على_قيد_الحياة

للكاتبه: فاطمه علي

__________________

هدوء-

صبحت علينه و توجهت لمكتبهه خلت جنطتهه لفوك مكتب محد رد عليهه حتى اني لان اتفاجئنه بيهه رمح ادمعت عيونه على حالتهه لان ضعفانه و عيونهه داخله جوه مبين من سهر،، اندارت عليه فتحت ايدهه بابتسامه التعبانه كمت من كرسي ركضت طبيت لحضنهه و شهكت بركبتهه وابجي و هي تهدي بيه،،

هدوء: مشتاكتلج ورب الكعبه،، ليش هيجي غبتي علينه مو تدرين بيه شلوني بلياج

احجي و اباوعلهه و هي بس تبتسم ما بيهه حيل تجاوب،، رجعت حضنتهه،،،

هدوء: ولج انتي امي والله امي احبج يا اغلى انسانه على گلبي،،

______

غسق-

مو كل شي نريده يصير
على شنو نبجي؟ على شنو ننقهر؟ بشنو نفكر؟
منو يستاهل ابجي علموده الي ما يريدني عمر ما اريده لحظه وحده

شكد ما جنت احبه صرت اكره ب قاط ما يستاهل ذره حبي اله،، همزين ما استعجلت و اعترفت بحبي اله جان ذلني اكثر،،
رمح هواااااي دز رساله و اتصال هم اتصل بكل برامج راسل واني اتجاهل بررلي كل سالفته ما جنت اقرء جنت اشوف نص كلامه من خلال اشعار علمه امسح اقرء سطر كامل ف شفت جم سطر و هو يبرر
ما اهتميت،، اجاني اتصال من الكل ما جنت ارد حتى لصديقتي الي هي هدوء،، يوميه تشكيلي حالتهه بدوني و رمح شصار بي و تتوسل لارجع لمستشفى
محمد كذالك بس ما اهتميت لاي شخص كان،، كلت ما اداوم حتى ما اشوفهم سوه لرمح و حياء،، بس الي رجعني اتصال واحد بس خلاني ارجع لدوامي
ايناس جابت ولد ابوي سماه آدم باركتلهم و صعدت لغرفتي خليت راسي لمخده لان صار فجر واحنه ما نايمين اجاني اتصال من شخص الي دوم يخابر و ما اسده دوم ارد عليه و نحجي و يسأل عليه،،. رفعت خط خليته لاذني واني بالكوه احجي من نعاس،،

دكتور عصام: صباح الخير بنيتي،،

غسق: صباح النور دكتور،، انشالله اتصال الخير بالفجر،،

دكتور عصام: خير انشالله خير بس هسه اصحح الاوراق و احدد عمليات لان بعدني بالمستشفى،، اج كدامي الاوراق طفله الي انتي راح تسوينهه و وياج دكتور قصي ما باقي غير ثلث ايام حبيت اذكرج وووو همين ما حابب تطولين بالسجن الي انتي بيهه طبعأ قصدي غرفتج،، اريدج تداومين باجر و ترجعين غسق الي احبهه،،

غسق: انشالله دكتور،، شكرا لان ذكرتني بالعمليه اجي انشالله لا يضل بالك

كام يتشكر مني لان سمعت كلامه،، سديت الخط و فكرت شنو يعني راح ابطل دوامي بسببهم،، المهنه الي كسرت ضهري عليهه علمود شخص غريب اخسرهه،، استغفرالله ربي و اتوب اليك،،