الموت على قيد الحياة

part.. 2

#الموت_على_قيد_الحياة

للكاتبه: فاطمه علي

ــــــــــــــــــ

رمح ??

هدوء: اي و من بصره هم

: هممم

رجعت تركيزي الهم مبين عدهم علاقه قويه لن هي تضربه ب كتفه بضحكه و هو يضحك بوجهه بعد كرديه شون تصير

بدت حفله اربع ساعات و خلصت اجه مدير عينه ع طلابه يباوعلهم بفخر لن صارو دكتور /ه و جراح /ه انطه خطاب طويل ما اذكرهم زين لن بالي مجان يمه كل الي افكر بي تعيين

خلصت حفله طلعت ادور على هدوء شفتهه واكفه ويه محمد

سلمت عليهم و مشيت تعبت مالي خلكهه ميفيد وياهه حجي شكد ما اكول لتحجين ويه رجال ولا يمهه استغفرالله

رجعت لبيت احنه امكانياتنه كلش زين صارلنه سنين ب اربيل و شغل الي ب اربيل توب ابوي شارك ب مطعم ويه واحد غني ب اربيل مطعم كلش راقي و جبير

اخواني ثلاثه استلمو شغل مطعم لن ابوي مهندس

سنتين ما طلع تعيين بديت امل بالبيت و هدوء جنت متعوده عليهه دوم اشوفهه و نكعد ساعات هسه قللت التقائنه روتين كلش عادي خلال سنتين

اجه تعيين ابوي سوه حفله صغير ببيتنه راد بالمطعم مقبلنه نتقيد من نحتفل كبال ناس

ببيتنه ناخد راحتنه اخواني مقصرو بشي حتى عشه جابو من مطعم جانت احلى يوم ويه عائلتي

عندي اربع خوات و ثلاث اخوان خواتي ثنينهم مزوجات و اخواني ثنينهم مزوجين يعني بقينه ثلث بنات عزابيات و اخوي صغير اعزب

طلعلي تعيين لن جراحه والا وين اكو تعيين بهذا الوكت كلش صعبه

داومت بمستشفى اربيل (........) كلش نضيفه و راقيه

اسمي غسق مواليد 1987

لبسي دوم محتشم حتى لو جنه بمحافظه سافره كل بناتهم نلبس حجاب و لبس محتشم ان جان اني او خواتي او امي او زوجات اخواني

لهاي سبب اخواني و ابوي منطيني ثقه عمياء واني مستحيل اخذلهم كل همي اعالج ناس و اشفيهم

صاحني مدير شهر كامل يلا خلصت معامله وكذا انطاني مفتاح غرفتنه من نسخ و كال

مدير مستشفى: اكو وياج واحد قبل لا تجون انتو جدد راح تصيرون اربعه بغرفه وحده لن هذا تعيين كلهم صارو بهاي مستشفى

يعني الله يحفظكم كثرتو جراحيين و دكاتره ف انتي و صديقتج نفس الغرفه وياكم ثنين ولد هسه يجون تتعرفون عليهم

طبعأ نسيت اكللكم هدوء تعينت ب واسطه جانت تقلد على جراحه حياء لن مشت ب واسطات بالتالي هي صرفت كومه فلوس لتصير وياي