الموت على قيد الحياة

Part.. 15

#الموت_على_قيد_الحياة

للكاتبه: فاطمه علي

-------------------------------

غسق -

طلعو محمد و هدوء رمح بقى صافن عالفراغ ما اهتميت اله لان اني هم بقيت صافنه لـ طلب دكتور نجم شووي صحيت على رنه موبايل رمح هو هم انتبه لـ موبايله .. طلعه من جيبه شاف الاسم المتصل بقى صافن عليه .
يالله شكد يصفن هذا رجال .. ما رد سوه صامت خلاه فوك الطاوله و راح للمغاسل ، هواي رن موبايل هو هم طول بالمغاسل كمت من مكاني شفت

المتصله ساره A .. هسه فهمنه الاسم ساره بس
الحرف A شنو معناه ،، سمعت صوت رجلين بالممر رحت كعدت بمكاني،
دخلت هدوء خلت ريوك عالميز

هدوء: تعاي اتريكي وراج عمليات ****

غسق: من وين طلعت هاي عمليه

هدوء: اذكرج بـ غيابج من مستشفى ??
مو شكد صارلج انتي كاعده بالبيت اكيد العمليات صارت تراكم عليج يا عمري

غسق: اوك ما صار شي شبيج متعصبه

هدوء: ممتعصبه بس شوي ضايجه

غسق: شنو السبب

طلع رمح من كد ما طول بالمغاسل نسيته بس وجه متغير مثل المتفاجئ ، شال موبايله خلاه بـ جيبه و طلع حتى ما باوعلنه ،، كعدت اتريك دقائق رجع اخد الاوراق من مكتب و سماعة النبض خلاه بـ ركبته طلع

كملت الريوك رحت للمغاسل غسلت ايدي و حلكي مشيت لافحص الاوراق صدك مثل ما كالت هدوء العمليات صايره هواي عليه،،
مشيت لـ غرفه مدير ما هو طلعت لـ غرفه عمليات مجهزين كلشي بس باقي جراح القلب و اني دخلت انتضرته لـ يجي شوي و دخل

قصي: بسم الله نبدي

غسق: دكتور هذا شريانه صاير مخلمه

قصي: هههههه الج حيل والله ضحكتيني ،، هو على شنو صرنه جراح و دكتور غير نرجعهم لـ صحتهم ، انشاءالله ننجح بيهه

غسق: انشاءالله

بدينه بالعمليه جان شريان ملزك لبعض صعب يعيش لن گلبه ضعيف المريض يطلع عمره بالعشرينات
طولنه هواي ما اذكر جم ساعه يلا خلصنه بس تعبنه حيل .. للعصر او ما خلصت عملياتي يحتاجلي اسبوع لاخلصهم انوب شكد صاير حجز اكثرهم (ورم)

شفت مدير حجيت وياه شوي ما احس الا ضباظ و عساكر هوااي طبو لـ مستشفى صرخاتهم هزنه هز

العسكري: دكتووور دكتووووووررر ووووينك

دكتور عصام: تره انت كاعد بالمستشفى ميصير هيج تصرخ حفاظأ للمرضى

العسكري: ********** تعالو عالجووو صديقنه اسررريع لا يموت

غسق: الزم لسانك احترم نفسك شهل الفاظ ما تستحي انت شوف شـ طولك شـ عرضك

العسكري: د تعاي عالجي شوفي شبيه بلا نصايحج و خطابج انتي دكتوره شوفي شغلج يلااا