#الموت_على_قيد_الحياة
للكاتبه: فاطمه علي
____________________
الدنيا مو امي حتى تحبني،،، الدنيا مرت ابوي
__________________
غسق: منين عرفت سبب موتها؟
احمد: اكو احد ما حجى على سمعتكم
غسق: ناس تدور حجي،، ليش تحجي بشماته؟ ترى جانت طفله مو جبيره
احمد: اعرف اعرف،، شفتها جانت تخبل خطيه ماتت موته صعب
غسق: احمد لا تجيب شبه لروحك لا والقرآن ادفنك عدل،،
احمد: ههه باوعي يحلوه خافي على عائلتج و على روحج،،،
كال جملته الاخيره كام من يمي،، بس اني شطت نار و اعصاب،، شي اكيد هو و حياء سوه عملو عملتهم،، يابه هذا اخر لقاء ويه بعض مره جايه اذبحهم وعلي
بس خل اتأكد ميه بالميه انو همه سبب موت فدك الا اكتلهم بيدي مو للعداله،،، كمت دخلت جوه شفت مريضتي تنتضرني بمكتب،، رمح يلم أغراضه يريد يطلع و هدوء غافيه بمكتب
طلعت الاوراق المريضه واني بالي يم كلام احمد ليش هيج حجى بالالغاز؟ لازم اعرف شي قبل لا اكول لاهلي على ورقه حياء
غسق: عيني راح اسالج سؤال جاوبي بتدقيق خوش؟
__خوش
غسق: ركزي زين،، عندج خمول؟
__ كلش
غسق: كل وقتج نوم و مرات تفقدين ذاكرتج جم ساعه؟
__ بالضبظ دكتوره
غسق: اكو شلل براسج من نص؟
__ اي حتى عيوني ما احس بيها،، راسي ينشل اصرخ صرخه موت من آلم،،
غسق: طبعا يصيرلج هيج،، عمليتج سهله انشالله بس لازم ولي امرج يوقع نحسب لكل شي،، اذا لا سامح الله صارلج شي هو مسؤل
__ زوجي موجود بس هسه مو وياي بس امي و واكفه بره
غسق: شلون جايه لعمليه بدون زوجج؟
__هسه تسوين عمليه؟؟
غسق: لا بس جان حسبتي حساب لكل شي مره اللخ لا تطلعين لدكاتره او ااي مكان بدون زوجج انتي عندج شلل بمخ و تفقدين ذاكرتج جم ساعه،،
__ شنو السبب؟
غسق: ورم بالمخ بس حجمه زغير،، نسوي عمليه بس بعد شهرين،،
__ليش؟
غسق: اكو قبلج هواي و لازمين حجز،،. راح اكتبلج علاج اخدي ضروري تخلصيهم قبل العمليه،،، هاج تكدرين تاخدين راحتج،،
راحت وهي خايفه بسبب مرضها،، شفت رمح كاعد كانما ينتضر شي،، هدوء مخليه راسها لمكتب و غافيه،،، اجى رمح يمي مشى بخطوات مثل واحد سكران،، وصل يمي خلى ايدينه ثنتين باطراف كرسي و دنك راسه قريب لوجهي صرت بنص حضنه الا شوي
أنت تقرأ
الموت على قيد الحياة
Short Storyتاريخ النشر القصه ( الموت على قيد الحياة) 2022/9/3 ________________________________ __هل تسامحيني؟ ___كلا __لماذا ؟؟ ___لانك قتلتني وانا لست مذنبه __اعترف بغلطي و ندمي،، اعفي عني ___ماذا سافعل بندمك وانا لست على قيد الحياة ...
