الموت على قيد الحياة

Part.. 19

#الموت_على_قيد_الحياة

للكاتبه: فاطمه علي

---------------------

غسق-

احنه بنات بشر مو حجر
عدنه احساس
عدنه شعور
كلبنه مو حجر حتى ما نحس بشي لا بالعكس بأقل شي رومانسي نطير لفوك

فتحت عيوني ذبلانه بين احضانه الدافي ،، عيونه جانت تلمع يمسد لخدي بخفه ايده أنفاسه و لحيته خدروني ب ايده ثانيه حاضن خصري طابه بنص حضنه

شوي و انتبهت اسريع وخرت اعدل ب ملابسي هو هم حس بروحه عدل روحه تقربلي كال ،،،

رمح: اسف بس ما عرفت اشلون اهديج وانتي تبجين بحركه

غسق: اذا وحده بجت كدامك هيج تهديهه

رمح: هههههه لا والله هههه لا وعيونج هاي انتي اول وحده ،، احم اءءء العفو بس ضحكتيني

غسق: هسه اشلون ارجع لبيت و اشوف ابوي منهار على عمامي غير اموت إذا شفت قهر بعيونه

رمح: اسم الله عليج

غسق: اوووف شسوي هسه

رمح: ما بيدج شي ،، هسه دكتور عصام يصيحنه خل نستعجل

غسق: ممكن تحجيلي شنو حجى لن جنت صافنه ما ركزت على كلامه

رمح: هو اني ركزت شفتج ضايجه و صافنه تخ....
احم يعني ما ركزت مثلج هسه نسال محمد

طلعنه لمكتب ماكو احد اني رحت لمغاسل اعدل جهرتي بسبب مكياج والدموع صرت مهرجه ،، كملت طلعت شفت رمح ينتظرني شافني طلعت اخد موبايله مشينه لشغلنه

___________________

غصن-

عالم أجمل حياة حلوه و مرحه الاماكن ولا اروع ناس يحجي ويه ناس أجواء تجنن معنى كلمه

لازمه ايد بنت اخوي فدك و نفتر بالشوارع اربيل اني و فدك و شمس اختي ،، جنه ضايجات امي بالكوه اقتنعت نطلع وحدنه و هاي اول مره اطلع وحدي

مخليه هيتفون لاذني و موبايل بيدي الثانيه غسق خلتني ادمن اغنيتهه مفضله الي مستحيل ما تسمعهه باليوم اكثر من مره تخلي هيتفون لاذنهه و تتسمع

انا عايش عمري لأجلك ،،،
لا تضن بيوم ازعلك ،،،
المهم عندي انت ترضى و ما تفارك عيني لحظه مره ابوسك مره اشمك

انت طيري صعبه غيري الي يفهمك ،،،،
من احضنك تنسى حزنك تنسى همك ،،،،

انت طيري صعبه غيري الي يفهمك ،،،،
من احضنك تنسى حزنك تنسى همك ،،،،

ناسيه روحي و ادندن ويه الاغنيه ،، فدك رادت شعر بنات وكفت لاشتري الهه و لشمس ،، اشتريت و مشينه كعدنه بالصفحه اني مشيت لاشتري قهوه بارده وصيت شمس على فدك و رحت