الموت على قيد الحياة

Part. 35

#الموت_على_قيد_الحياة

للكاتبه:فاطمه علي

____________

غسق-

اتجنبت الكل صار مالي خلك لاي شخص غير امي محد يدخلي من الاهل و دكتورتي وياهه نجم،، طبعأ اني اخترت او كلت لمدير انو يخليلي نجم مراقب لان ادري رمح يطير عقله منه بس الظاهر غلطت باختياري،، جان عيونه دوم عليه بين لحظه و لحظه يلمحلي بشي،، رمح جان يحبني بأحترام و رزن هذا مثل المراهقين،،

اندك باب دكتوره سمحت انفتح غصن مدت راسهه جانت صفرره و ترجف،، خلت علاكه الاكل لميز و اجت كعدت ساكته بس ترجف،، خلصت تدريباتي ويه دكتوره تقريبأ ثلث ارباع ساعه و طلعت، غصن سدت باب و اجت كعدت مقابيلي كتلهه،، شبيج،،
حجتلي كل شي الصار وياهه بالبيت

مدري اصدك لو لا لان هي تقرء قصص و داخله براسهه هيج خيال،، بس شكلهه مو مال خيال

غسق: حجيتي لاحد

غصن: بس ليزن لان من شاف حالي لح عليه هواي قبل لا نوصل لمستشفى حجيتله بس هم ما صدكني كال تتخيلين،،

غسق: شصار بعد ما انسحبتي من رقبتج

غصن: ما حسيت بشي بعد صارت دنيا ظلام بعيني،، مدري شكد كعدت لكيت روحي غافيه بقنفه هول طابقنه
تلمست رقبتي توجعني ذكرت الصار ركضت لغرفتي باوعت لروحي لمرايه ماكو اثار برقبتي،، ساعه ساعتين اني عازله روحي بغرفتي الا ان اجى يزن كال تحضري نروح لمستشفى،،

سبحت بخوف اسريع بدلت و طلعت من غرفتي ما التفتت لاتجاه غرفتج خفت حيل،، من نزلت جوه لكيت الاء و ايناس يحجن بسكوت بدون سلام تجاهلتهن صعدت لفوك مره اللخ فتحت باب شمس لكيتهه متمدده على ضهرهه و بوجهه كتاب كعدت يمهه حجيت وياهه بس هي مالهه خلك الامتحانات قربت و سادس صعبه عليهه ميته تعب،، طمنت عليهه
و طلعت بالطريق شافني يزن صفره و ارجف لح عليه هواي ما حجيت نزل اشترالج الاكل قريب لنوصل حجيتله حتى لا يشك مسويه كسوره و يصير مشاكل،،

غسق: هسه شراح نسوي بعدين مو تكولين امي دوم تشغل القرأن،، شدخل هيج سوالف لبيتنه اذا طاهر

غصن: والله ما ادري شبيج متصدكيني

غسق: لان هواي متعمقه بقصصج تطبع براسج هيج سوالف

غصن: اذا اتخيل منو شالني من درج و نيمني بقنفه؟

______

هدوء-

طلعت من عمليه و رحت لاغسل ايدي وكفت اجى محمد وكف وياي حجى شوي و تركني و راح لمقبره اليوم خميس
طلعت لمكتب كعدت لاشوف الاوراق مدنكه راسي و اتصفح بيهن و بموبايل اشوف الحجوزات لعمليات
اندك باب سمحت دخل رجال ضغم و معضل اجلح بس وجهى بي براء مو مجرم،،

هدوء: تفضل بيش اكدر اساعدك

باوع لمكتب محمد رجع باوع لمكتب غسق يدور على شي عينه اجت على اخر مكتب هو مال رمح ابتسم بدون اینکه 30 درصد افزایش افزایش پیدا ٣٣ و ٣ ٤٤٤٩٨٨٣٠,٤٤٤٣٩٧٣٣,٠٩١٢٦٤٩٧٤٠٠,٠٩١٩١٠٣١٠٣٣ سلام عليكم السلام ٤ امرداد ٩٠ تیر ٩٠ خرداد ٩٠ راح كعد عالكرسي المتحرك و دار ضهره عالباب٢