الموت على قيد الحياة

Part... 40

#الموت_على_قيد_الحياة

للكاتبه: فاطمه علي

________________________

غصن: ما اعرف والله ما اعرف

يزن: ولج شنوو ما تعرفييينه جااا والحجي الي بموبايلج،، جدددييي جدييي

غصن: ورب الكعبه مو اني ليش متصدكني والله مو اني

بدون متكمل لزمهه من شعرهه ضربلهه راشدي شد لزمته اكثر و يضرب اكثر،، ما عرفت شنو الشي بموبايل،، كمت بالكوه اريد الزمه ما اكدر صاير اعصاب و غصن انتهت بيده،، على صوتهم صعدو اهلي

مهيمن: شبيك يزن هووووب هوووب

يزن: وخر مهيمن لو تدري اختتك شتسووي،،

أم مهمين: يمه اسم الله شمسويه ولج

غصن ضامه وجهه و تشهك من وجع مالهه حيل لتحجي و يزن اعصاب،،

أبو مهيمن: اطلعو بره كلكم ماريد ولا شخص يضل بالغرفه

قسام: لا يابه خلي يحجون غصن شمسويه حتى هيج تنكتل،، احجي وللجج شمسويه

أبو مهيمن: و من شوكت اكرر حجي اني هااا

قسام: حشاك يابه بس متشوف حال يزن نريد نعرف اختنا شبيها

مهيمن: احجي يزن شبييك ساكت مو صارلك ساعه ترعد الا من دخلنه سكتت احجييي شبيييك

ما حجى شي طلع بره و ابوي طلع الكل من غرفه خله بس غصن حتى اني طلعت،، شو ابوي قفل باب عليها و نزل،، شفت ايناس ماكو و الاء شكلهه مسويه مصيبه،، الكل توزع لغرفته و امي لحت عليه لانزل يمهه ما قبلت،، تركتني راحت لتصلي واني كعدت يم باب غصن تكطع داخلي بصوتها
خليت اذني لباب و اهمس الها اخاف احد يسمع و يكول لابوي

غسق: غصوونه حبيبتي شبيج،، شو تعاي هنا يم باب

صارت هدوء شوي و سمعت طكه ثواني و كعدت يم باب من داخل واني من خارج

غصن: غسق والله مو اني والله

غسق: غير اعرف شنو يا عمري كافي لا تشهكين كولي شكو

غصن: من اجينه خليت موبايلي بالصاله و صعدت وياج،، يزن شايف دردشه اني ويه واحد

غصت بالحجي كامت تبجي،، شوي سكتنه واني افكر اذا مو هي جا منو

غسق: موبايلج بي رمز

غصن: لا هو ما يخلينه نخلي رمز

غسق: ابوي ليش قفل باب عليج

غصن: بعد حضي و تعرفينا

غسق: هسه اكول لامي تقنعه

غصن: عوفي ميقتنع بسهوله

غسق: ما يصير تضلين جوه محبوسه خواتج هسه يطلعن لطريق

غصن: ما ابقى لتخافين انتي روحي نامي تعبتي