الموت على قيد الحياة

Part.. 32

#الموت_على_قيد_الحياة

للكاتبه:فاطمه علي

___________

هدوء-

رمح كام و كعد يم ركبه ام غسق و يبجي و هي تبجي خلا ايده لفوك رجليهه و يهز اكتافه من بجي،، مثل الأم والابن،، بجونه ما توقعت رمح هيج يحبهه خطيه حيل ضعفان و تعبان غياب غسق و محمد كاسر ضهره

هيج مشت حياتنه بين مستشفى والبيت ما بقى شي و يتحرر عراق بالكامل باقي بس موصل حررو هواي محافظات الحمدالله راح نتحرر و نرتاح

بعد شهرين،، ماكو شي جديد ابد من بعد اربعينيه ام محمد رجع محمد لمستشفى بس مو مثل قبل،، و غسق بعدهه ما كعدت صارلهه ثلث شهور بغيبوبه تعودنه عليهه بس رمح كما هو كل يوم يذبل،، حياء بعد ما انطردت ما شفناهه لا هي ولا الي وياهه بنات

كاروان كثران جياته للمستشفى الا ان اكتشفت يحب غصن بس غصن مو بحال حب تريد اختهه ترجعلهه و بس،،

رمح يوميه يموت الف موته ما يطلع من عنايه مشدده مال غسق،، حتى ينام بيهه بصفته دكتور محد يكدر يمنعه والكل عرف رمح يحبهه بس بعمليات يطلع من غرفه يكول
،،، اريد اول ما تصحى اني اول شخص اعرف و اسمع صوتهه،،

محمد عزل على روحه دوم ساكت الجان دومه يضحك هسه قلل سوالفه حتى ويانه يسوي شغله والباقي اوقاته يخلصه ويه رمح لحيته طولان و شعره مكثف ما يتأنق مثل القبل بس بكل حالاته حلو

غصن هواي ذبلت صارت عود فرنسي دوم لونهه شاحب و نومتهه قلل حيل ما تروح لبيت هواي شمس يمكن اربع مرات اجت ضلت بالمستشفى عدها دراسه ما يخلونهه تطلع من بيت،،

كاروان صار عاشق ولهان ما يعوف غصن هو يجيبهه و ياخدهه بصفته صديق يزن صديقه وفي يثق بي،، يوميه ريوك غده عشه يجيبلنه،، يريد يلين گلب غصن عليه بس هي ما تريد تدخل لعلاقه واختهه حالتهه ما معلوم،،

اما اني انكسرت من بعد غسق ما احجي ويه احد غير نجمه و ضي و غصن دوم اربعتنه نكعد نسولف مرات للصبح من نلزم خفاره اجذب اذا كلت خلال ثلث شهور ما ضحكنه يمكن مره مرتين و بسبب كاروان هو يضحكنه

طلعت من مكتبنه الي صار مسكون لان محد يدخل بي كله وقتنه بغرفه غسق،، مشيت الممر شفت دكتور نجم يفتر سكران بروحه هزيت راسي ب شكو اجى يمي،،

نجم: هدوء اريد اكلج شي ساعديني بيهه

هدوء: شنو هو؟

نجم: اريد ادخل يم غسق.. يعني اريد احجي و افرغ الي بگلبي

هدوء: بس هي شلون تسمعك ما تشوف حالتهه،،

نجم: هي لو صاحيه جان فرغت گلبي؟ غير تشبعني بوكسات و دفرات باول كلمه من انطقهه،، اريد احجي الي بگلبي و اني اشوف وجهه تعبت واني انتضرهه حبيتهه حب شريف بس يمكن مو مقسومتلي،،