الموت على قيد الحياة

Part.. 25

#الموت_على_قيد_الحياة

للكاتبه: فاطمه علي

____________________

ما بين الاعتراف بالحب والفراق لا يوجد كثير من الوقت،،

________

غسق-

صار ثكل عليه احس جبل و كعد على گلبي
هذا گلب عضو محد يدري شكد وزنه محد يحس بي اذا مو ينبض هسه حسيته شثكله عليه
حياء حجت والسم تنكط من وجهه

اعاتب؟
اصرخ؟
ابجي؟
ما يحقلي نهايأ لان رمح غريب عليه واني ما اقربله شي مجرد زميلي بالمستشفى شكله اذا عاتبته؟
اكله ليش تنام ويه بنات؟ و كدام حياء الي هيه تقصدت تكسرني

رجعت خطوتين لوره بصدمه درت وجهي ركضت لدرج اريده يخلص ماكو صار شطوله من صعدت ما حسيت اكو درج
طلعت فرحانه مثل الفراشه بس انكسرت و نزلت وصلت لباب عماره وكفت لان دخت صرت ما اميز زين سندت روحي بالكوه طلعت لسياره فتحت بابهه و ايدي ترجف صعدت مديت ايدي لسويج ما تشتغل السياره معندي قوه لاشغلهه معندي قوه لالزم سويج

فركت ايدي حيل رجعت شغلت مره اللخ شغلت دست بانزين مشت سرييع موبايل يتصل ما اهتم اكيد رمح يريد يبرر وصاخته مستحيل اسامح او انسى او اخلي يبرر

خليني دوم اشوفه مثل قبل كرهته مقزز اووف يربي رفعني لسما و نزلني لأرض بكل قوه لدرجه انكسرت كل اعضائي،، موبايل ما وكف من صوت شلته لاذبه من شباك السياره من كثر عصبيتي بس فكرت كل شغلي بيه رحت وين مدري افكر افكر ما اشوف روحي الا وكفت بالمكان هدوء المكان لا جايته من قبل ولا شايفته،، نزلت من سياره
شفت اجواء رومانسي كل اثنين واكفين ويه بعض

زادت قهري و وجعي و آلم گلبي رحت يم شاطئ كعدت بالكاع صرخت صرخه طلع من اعمااق گلبي،،

الكل التفت عليه اكو بنات اجن يمي يواسوني،، ضميت وجهي بايدي كمت اشهك كل شهكه تزرف صدري،،،

غسق: ياااااااااالله،،، لك ليييش ليييشش يا خاين مو بارحه اعترفت بحبك لو جذاب،، ايي ايي انت جذاااب لك اكرررررهههكككك،، يلعن ساعه الي شفتك بيهه يااااااالله ليش هيج عليه كسرني الخاين طلع عنده علاقه ويه حياء،،،

احجي و اشهك بالدموع الاحسن بالموضوع محد فهمني لان اكراد،، ساعتين ضبظ واني ابجي تعبت ما بيه حيل لاكوم جان اكو بنيه اول ما نزلت من سياره ضلت وياي لحد الان انطتني مي ما اخدت كامت تذب مي بيدهه و تمسح لوجهي واني اي ردة فعل ما انطي مسحت وجهي بالكلينس و كعدت بعيده عني و عينهه عليه،،

كرفصت جسمي و اباوع لمي ضليت صافنه هواي،، استرجعت ذكرياتنه من اول ما بديت بالمستشفى
ذكرت موقف من مواقفه وياي،،

اجاني يركض والتوتر باين على وجهى،،

غسق: شبيك يمعود اخد نفس