الموت على قيد الحياة

Part.... 47

#الموت_على_قيد_الحياة

للكاتبه: فاطمه علي

___________________

جسمي كله يرجف سن تطك بالسن ما كدرت اوكف على حيلي كعدت بالكاع،، احس الارض كلهه تهز بسبب رجفتي،، الرجال طار خلال ثانيه وحده بس،،

ما صار لا صوت ولا حركه كبل اختفى ويه هوى،، لو اني اتخيل لو اتخبلت،، وهاي واكفه براسي مثل الشبح خوفتني زياده هي شكلهه تخوف اسم الله على روحي،، بيتهم متروس جني لازم اطلع و انقذ روحي

امينه: شبيج انخرعتي،، قابل شفتي شبح لو اني أخوف

باوعتلهه صفح واني مالي حيل لاحجي،، يعني معقوله ما شافت الرجال؟،، مكدر اكلهه على رجال خاف اني متوهمه،،

امينه: كومي انزلي جوه شعندج صاعده فوك ما تستحين ماخده راحتج ببيت ناس

انفتح باب غرفه غصن طلعت منها غسق والعيون حمر ما بيها حيل،، باوعت لعمتها دنكت راسها تفرك كصتها بفراغ الصبر

غسق: شكو عمه شبيج،، ليش هيج صوتج واصله لسابع جار

امينه: و قزرقط ادبسزز تكليلي صوتج طالعه بلا احترام

غسق: عمه اني هذا احترامي و رجاءأ مره اللخ لا تعيدين الفاظج الي والا ما اسكتلج لا تستغلين ضعفنه بالعزاء،، ترى واصله لخشمي بسببج و بسبب اهلج،، اني مو زغيره و زعطوطه كدامج لحتى هيج تغلطين عليه
و هسه انزلي جوه بلا زحمه عليج و ثاني مره لا تحجين هيج ويه هدوء هي صاحبه البيت وانتي خطار،،
تعاي هدوء

امينه: ياااااااا،،، تفوووو على تربيت امج شلون لسان طبعا هيج تحجين عايشه ويه الناس بالمستشفيات وال*****

شاطت غسق رجعت عليها مثل الاعصار بس ما لحكتها عمتها خافت نزلت الدرج مثل بيب بيب

غسق: اصبريلي يا عمه والله لاطلعها من خشمج
يا**** تربياسزز،، تفو على تربيتج انتي،،

حجيت بصوت يرجف بالكوه نطقت اسم غسق واني اشوف الرجال نفسه وراها،، واكفه تباوعلي شبيه واني تصنمت بكاعي شلون ما غمى عليه مدري

الرجال بطول الباب والحايط،،، مدنك راسه شعره لنص جسمه،، اسود بكل شي ايده توصل لكاع بس رجليه ما مبينه،، لو يذبحوني قطره دم ميلكون بيه

واني اباوع وراها هي كبل اندارت تباوع،، بثانيه وحده الرجال فات بنصنه مثل الهوى و انغمى علينه،،،،

كعدت راسي ثكلان شفت غسق متمدده بالقنفه واني بالكاع بس مو نفس المكان الي وكعت بي،،، ذكرت سالفه متت متتت خووف،،

اريد اكوم مكدر رجليه متساعدني صحت بصوت يرجف لغسق،، ما كعدت،، معقوله محد صعد لفوك و شافنه،، بس منو شالنه و غير مكانه و غسق لقنفه؟