الموت على قيد الحياة

Part... 51

#الموت_على_قيد_الحياة

للكاتبه: فاطمه علي

_____________________

حافظو على من تحبون لان حياة قصيره ،،، 💔

__________________

صار اسبوع و ماكو اثر لغسق،،،الدوريه دورت البيت كله ماكو،، اثبتو غسق طالعه من بيت،، بس اهلها ميتين،، امها دخلت لمستشفى بالموصل صارلها ٤ ايام
،، و غصن بعدها ساكته متنطق،، و شمس منتهيه كلش

اخوانها ما تركو منطقه ولا ساعه،، دورو بكل مكان و مناطق و سكنهم صار بالمخفر،،
طلعو سمعه مو زينه لغسق انو،، حركت بيت اهلها و هي شردت،، حسبي الله ونعم الوكيل على الناس

كاعده و صافنه لرمح الي انتهى ما باقي بس جسد،، جم مره شكلنه اله مغذي، لن اكله قل،، قبل يومين ابوه خابره على زواجه من بنت عمه بس بلحظه فسخ خطبته و قفل موبايله،،

كام من كرسي داخ لزم مكتب،، وكفت لاساعده اشرلي بيده ميريد،، راح المغاسل طول نص ساعه اجى محمد باوعتله ماله خلك،، احتاريت شسوي واني حتى اهلي عفتهم،،

محمد: ماكو فد طريقه لنعرف شي عنها،، مو خلص گلوبنه،،

هدوء: ما بيه حيل احجي والله،، اااخخ اخ،،

محمد: وين رمح

هدوء: بالمغاسل،، شلونه مدير

محمد: كاروان رجع لعراق،، راح لبيته،،

طلع رمح يمشي بثكل،، متوضي و اتجه للرب العالمين،، صلى صلاته و كعد يناجي الله،، ما تحملت كعدت ابجي على بجيي بجى كام يهتأز اكتافه،،

رمح: اللهي ان جان اني السبب بالي صارلها وعد اعوفها وعد بس خل ترجعلي راح يصير الي تريده،،
ربي لا تچوي گلبي اكثر من هيج والله امتحانك صعب،،

راح محمد حضنه كامو يبجون ثنينهم،، حقهم و غسق تعبت بسببه و هي جانت كلش زينه ويه الكل،،
دخلت نجمه مفرفحه بجي و تتنفس سريع،،

نجمه: رررمحح لككك الحك غسق جووووه،، ولج هدوء هي بالطوارئ والله هي والله،،،

واحنه صافنين على مصدومين رمح ركض بس بركضته يتعثر،، بساع كمت ركضت وراهم جانو يركضون بكل سرعتهم،،، وصلنه لطوارئ واذا نشوف غسق،،،!!!!

بس شحالها صايره اصفرر و ضعفانه و جسمها بي اثر معرفت شنوه،، رمح وكع عليها بالحضن والبوس،، كام يبجي من فرحه لو على حالها معرفت،،،

رمح: محد يتقرب منها اني اداويها و افحص جروحها،، فدوه وخرو،،،

اخد سماعه الفحص من ممرض كام يفحص نبضها و بطنها و صدرها تنفسها كل هذا واني جامده بمكاني،،
شكلولها مغذي صاير بيها جفاف،، جسمها عطشان،،

قسام: اختييييي،،

درت على صوت قسام يركضون هو و يزن و مهيمن ركضتهم بجاني،، هجمو عليها مثل رمح حتى رجلها باسوها،،