#الموت_على_قيد_ الحياة
للكاتبه: فاطمه علي
--------------------
هدوء-
تعجبت بـ طلبه متوقعت عينه على غسق ... رمح ترك قلم من ايده بـ حركه سريعه اجى بـ اتجاه دكتور نجم
رمح: من شوكت عينك عليهه
نجم: عيني عليهه مو عليهه ميخصك ... اذا اروح اطلب ايدهه مو معناتهه عيني عليهه لا اني غسق تعجبني من زمان ... دكتوره انطيني عنوانهه لو سمحتي اذا متنطين اروح اخدهه من مدير .. جنت ناوي اروحله بس كلت يمج اسهل
رمح: شوف دكتور عوف جراحه لن مالهه خلك لاحد ما سمعت محمد كال متطلع من غرفتهه وانت اشلون تروح تطلب ايدهه... حتى ناس تزيد حجي عليهه .. بـ ابو تزوجت حتى تنستر عليهه
لو تبقى بـ وظيفتك تعوف زواجك من جراحه احسن
نجم: وانت شلك دخل شعليك بـ زواجي ويه جراحه او ويه غيرهه هذا شي يخصني و هسه يلا ما اريد منكم عنوان اجيبهه من مدير
حجاهه و طلع من مكتب محمد مصدوم و رمح صاير اعصاب ميتحاجى راح كعد عالكرسي يفور اعصااب ...
يا ترى ليش هيج عصب من سمع دكتور نجم يريد غسق ???
لليل خابرت غصن لاسال على غسق فاجئتني او بالاقصى صدمتني من كالت اجى دكتور لـ يخطب غسق ......
---------------
غسق-
صارت بيه حاله نفسيه اسبوعين كلشي كرهته ما اريد اسمع او اشوف شي كضيتهه بس نوم من الي بالمستشفى هواي اجو سالو عليه ابد ما طلعت كرهت كل جنس آدم .... غصن حجتلي اخبار المستشفى اشلون شوهو سمعتي لن ضليت غايبه و ماخده اجازه هي هم هدوء تسولف الهه اخبار المستشفى و هي تسولف اخباري لـ هدوء وحده تنقل لـ ثانيه
لازم اروح اداوم خلصت اجازتي لو ضليت بعد يكطعون من راتبي ... اكثر من اسبوع فات موعد استلام شهادة سواق..
بسبب حالتي ما رحت بس قررت اروح باجر استلمه بلكي بعد الدوامي اروح افتر شوي اشوف شكو ماكو بالدنيا المصخمه ....
كعدت احسن شوي لازم ابقى قويه مو شغلات بسيطه تهدني .... كمت نظفت جسمي و وجهي اخدت دوش طولت يلا طلعت
فتحت كنتور لاختار ملابس لـ باجر عندي لبس اخذته ما لبسته ابد حضرته لفيت راسي و نمت نومه للصبح....كعدت كلش نشيطه اول شي اسوي استلم شهادة بعدين اروح اسد حلك كل واحد حجى على شرفي
كمت بدلت خليت مكياج و لفيت شال لفه حلوه تعطرت تكشخت عـلى اخر حبايه لبست كعب بس مو عالي اخر لمسه خليت مرطب لايدي ... اخدت نظاراتي و موبايلي خليتهم بالجنطه نزلت امي من شافتني كامت تصلي على نبي
كلشي ميدرون شصار وياي ما خليت احد يوصل خبر الهم يبطلوني من دوام بس كلت مريضه خلال اسبوعين كلش اهتمو بيه احتارو شيسون حتى اتحسن بس اني جنت انرفز من كل شخص
أنت تقرأ
الموت على قيد الحياة
Short Storyتاريخ النشر القصه ( الموت على قيد الحياة) 2022/9/3 ________________________________ __هل تسامحيني؟ ___كلا __لماذا ؟؟ ___لانك قتلتني وانا لست مذنبه __اعترف بغلطي و ندمي،، اعفي عني ___ماذا سافعل بندمك وانا لست على قيد الحياة ...
