الذئاب ٢

الرابع والعشرون

وقفت لي لي امامه وقالت :- انا محتاجة مساعدتك 

ياسين :- بعد كل اللي حكيتيه ده ومحتاجة مساعدتي ده انتي بقيتي رئيسة عصابة 

لي لي :- انا عارفة اني غلطت ...بس سليم هيروح في داهية بسببي 

ياسين :- هيروح! سليم هناك اصلا 

لي لي :- والحل 

هز ياسين راسه وقال :- معرفش 

لي لي :- ارجوك اتصرف ....سليم هيعدموه 

في الحجز 

جلس سليم ينظر امامه بتفكير ...اخبره المحامي انه سيطعن في هذا الحكم ولكن ماذا ان ثبت عليه وتم اعدامه ...كانت لي لي تجلس في المحكمة لحظة اعلان الحكم وفزعت كانها هي من تعدم اما مالك فارتاح كانه هو من قتله ...في داخله لن يحزن لو تنفذ هذا الحكم ...لم يعد لديه ما يهمه في هذه الحياة 

فتح باب الحجز فعلم انه مالك فقال دون ان ينظر له :- جاي تباركلي 

مالك :- اكيد مش هينفع افوت مناسبة زي دي 

سليم :- ايه رايك اخدك معايا واقولهم انك ابن عمي وشريكي ....ولا اقولك ايه رايك اقتلك دلوقتي واهو الاعدام يبقي علي حق 

مالك :- انت اضعف من كده ....

سليم :- لا انا انضف من كده .....فاكر ابويا كان دايما يقول اوعي ترفع سلاحك في وش حد من عيلتك ...ابويا ده الراجل الوحش وانت النضيف دلوقتي 

مالك :- اديك هتروحله وتشوف الراجل النضيف اللي قتل ناس بعدد شعر راسه وهو في جهنم ...هيفرح بيك اوي 

سليم :- وانت 

مابك :- انا ايه ....انا هربت من قذارتكم ونضفت ....ياما قولتلك يا سليم تعالي معايا ..بس انت مسكت فيهم 

سليم :- اجي معاك نأذي اهلنا ونبلغ عنهم 

مالك :- واهلك دول فين دلوقتي...نفعوك وانت هتموت 

سليم :- ازاي واللي اتسبب في موتي واحد كن اهلي 

مالك :- انا مش من اهلك ....ولا عمري هكون منكم ....عارف حتي لما تتعدم وتموت ويدوروا علي حد يستلم جثتك مش هستلمها ...ولا هزورلك قبر 

سليم :- دي هتبقي وصيتي اصلا ....

مالك :- حلو نبقي متفقين .....سلام يا سليم .....

تركه مالك وغادر بينما زل سليم سنظر للسقف بحزن .....

كان قصي يركب بجوارها في السيارة مصدوما .....حامل ...ابن ....مرة اخري ....

حسن وصلو لبيتهم نظرت له امها نظرات مصدومة فاخذها عمر للغرفة بينما ظلت ندي معه ....وخين عادو كانت المراة تبكي واخذت ندي بينما عمر جلس معه فقال قصي :- انا مش هعيش هنا 

عمر :- اومال عاوز تعيش فين 

قصي :- معرفش 

عمر :- لحد ما تعرف في حاجات اهم لازم تعملها يا حضرة الظابط