The Truth Untold

Chapter 07

Unicode

​နောက်တစ်​နေ့မနက် နမ်ဂျွန်းအိပ်ရာနိုးလာ​တော့ ​ခေါင်းက အနည်းငယ်​နောက်ကျိ​နေသည်။ အ​ကြောင်းအရင်းက​တော့ ညက သူ၏ မားအ​ကြောင်းအား ​ပြန်​တွေးမိကာ ငို​ကြွေးမိခဲ့ခြင်း​ကြောင့်ဖြစ်သည်။ ထို့​ကြောင့် အနည်းငယ်​ခေါင်းကြည်သွား​စေရန် လိုက်ကာအားတင်လိုက်ပြီး ပြတင်း​ပေါက်များအားဖွင့်လိုက်သည်။

လက်ဆတ်​သော​လေထုကို ရှူရှိုက်လိုက်ရ​တော့ အနည်းငယ်လန်းဆန်းသွားသည်မလို့ မနက်စာစားရန် ​အောက်ထပ်ကို ဆင်းလာလိုက်သည်။ ​အောက်ထပ်​ရောက်​တော့ ဟို​ဆော့က မီးဖိုခန်းထဲတွင် မနက်စာကို ပြင်ဆင်​နေပြီဖြစ်သည်။

"Bonjour နမ်ဂျွန်း"

"Bonjour"

ဟို​ဆော့ကလည်း မိတ်ဆက်ပြီး မနက်စာပြင်ဆင်ခြင်းကို ပြန်ပြီး အာရုံ​ရောက်သွားသလို ကျွန်​တော်ကလည်း စားပွဲဝိုင်းတွင်ထိုင်ပြီး သတင်းစာအားဖတ်​နေလိုက်သည်။

သတင်းစာဖတ်​နေရင်း ​တွေ့လိုက်ရသည့် သတင်းတစ်ပုဒ်​​ကြောင့် ကျွန်​တော် ရယ်လိုက်မိသည်။ ​ခေါင်းစည်းက ဘာတဲ့.. ပြင်သစ်-​တောင်ကိုးရီးယား နှစ်နိုင်ငံ ချစ်ကြည်​ရေး သံတမန်အဖြစ် ခန့်အပ်ခံရသည့် ​တောင်ကိုးရီးယား လွှတ်​တော်အမတ်ကင်မ်ဆိုပဲ။

တစ်သက်နဲ့တစ်ကိုယ် ထိုအ​ဖေ​ဆိုသည့် သူ​လောက် မျက်နှာ​ပြောင်သည့် သူမျိုးမ​တွေ့ဖူး​ပေ။ တစ်ချိန်က ပြင်သစ်သည် ဂျာမန်ဖိနှိပ်ခံ ဘဝတုန်းက သူလုပ်ခဲ့တဲ့ လုပ်ရပ်​တွေကို ပြည်ဖုံးကားချပြီး အခုကျအ​ရေခြုံပြီး သူ​တော်​ကောင်း လုပ်​နေလိုက်တာများ။

"နမ်ဂျွန်း မနက်စာရပြီ"

​ဘေးမှ ဟို​ဆော့အသံကြားမှ အသိပြန်ဝင်လာပြီး သတင်းစာကိုသိမ်းလိုက်ကာ မနက်စာကို စားလိုက်​တော့သည်။

"အဖိုး ပတ်ခ် စာပို့ထားတယ် မ​နေ့ညက ငါလည်း အိမ်ပြန်မ​ရောက်တာနဲ့ မ​ပေးဖြစ်တာ ဒီမှာ"

ဟို​ဆော့က​ပြောရင်း စာအိတ်​လေးကို ကမ်း​ပေးလာသည်။ ကျွန်​တော်လည်း အချိန်မဆွဲပဲ စာအိတ်အား​ဖောက်ကာ ဖတ်လိုက်​တော့ အဖိုးက ဂျီမင်းအ​ကြောင်းများ ​ရေးထားပြီး ပါရီကို​ရောက်​နေ​ကြောင်းပါ ​ပြောထားပြီး ကျွန်​တော့ကိုလည်း ​တွေ့ချင်​ကြောင်း​ပြောထားသည်။