The Truth Untold

Chapter 19

Unicode

ကိုးရီးယားသို့ ​ရောက်ပြီးကတည်းက နမ်ဂျွန်းသည် ပြခန်းကိစ္စများနှင့်သာ အလုပ်ရှုပ်​နေရသည်။ ကင်မ်ဂျုံမင်ဦး​ဆောင်သည့် ပြခန်းဆို​သော်ငြား နမ်ဂျွန်းသည် နာမည်မပျက်​စေ​ရေးအတွက် ​သေချာတာဝန်ယူကာ စီစဥ်​ပေး​နေသည်။

ပြပွဲစီစဥ်​ပေး​နေသည့် အ​​တောအတွင်း ကင်မ်ဂျုံမင်နှင့် နမ်ဂျွန်းသည် မကြာခဏ ထိပ်တိုက်​တွေ့​သော်လည်း နမ်ဂျွန်းဘက်ကပင် မ​သိချင်ဟန်​ဆောင်ကာ ​ကျော်ထွက်သွားခဲ့သည်။ သို့​​သော် တစ်​နေ့တွင် ​​တွေ့ရမည့် အ​ကြောင်းက ဖန်လာခဲ့သည်။

ကျွန်​တော်ပြခန်းတွင် ပန်းချီကားများ ​နေရာချထားခြင်းနှင့် အခြား​သော ကိစ္စများကို ညွှန်ကြား​နေရင်း ဦး​လေးဂန်ကလာ​ခေါ်သည်မလို့ အလုပ်အားခဏထားခဲ့ရင်း ထွက်လာခဲ့လိုက်သည်။

"ဦး​လေးဂန် ဘာကိစ္စရှိလို့လဲ"

ဦး​လေးဂန်သည် မျက်နှာပျက်​နေပြီး တစ်ခုခု​ပြောရမည်ကို တုံ့ဆိုင်း​နေဟန်။

"ဦး​လေးဂန် တစ်ခုခု ပြဿနာဖြစ်လို့လား"

"ကင်မ်နမ်ဂျွန်း"

​ကျွန်​တော်ရှိရာသို့ တည့်တည့်​လျှောက်လာပြီး နာမည်အား​ခေါ်ကာ ​ရောက်လာသည့် သူ​ကြောင့် ကျွန်​တော့ မျက်ခုံးသည် တွန့်ချိုးသွားပြီး လက်သီးအား ဆုပ်မိလျက်သား။ ဦး​​လေးကို ကြည့်လိုက်​တော့ အ​တော်အားနာ​နေဟန်။ နားလည်ပါသည်ဟူသည့် ဟန်ပြကာ အဆင်​ပြေ​ကြောင်း ​ခေါင်းညိမ့်ပြလိုက်သည်။

ဦး​လေးဂန်သည်လည်း ကျွန်​တော့်ကို သံတမန်ကင်မ်နှင့်ထားခဲ့ကာ တစ်​နေရာသို့ ​​ရှောင်ထွက်သွားခဲ့သည်။

"ဘာကိစ္စများရှိလို့ပါလဲ သံအမတ်ကင်မ်"

"တစ်​နေရာရာသွားရ​အောင်"

"ဒါဆို ကျွန်​တော့်ရုံးခန်းကို ကြွပါခင်ဗျ"

​ကျွန်​တော့်ရုံးခန်းထဲသို့​ရောက်​တော့ သံအမတ်ကင်မ်သည် ရုံးခန်းတွင်းရှိ ဆိုဖာတွင်ထိုင်ကာ ​စောင့်​နေသည်။ ကျွန်​တော်သည်လည်း ထိုသူနှင့် မျက်နှာချင်းဆိုင်ခုံတွင် ဝင်ကာထိုင်လိုက်ပြီး ထိုသူ့ဘက်မှ စကားစလာမည်ကို ​စောင့်စား​နေလိုက်သည်။