ရှန်ရှလမ်းညွှန် (XianXia Book list)႐ွန္႐ွလမ္းၫႊန္

(14)နှောင်ဖွဲ့ခြင်းကင်းတန်ခိုးရှင် ေႏွာင္ဖြဲ႕ျခင္းကင္းတန္ခိုး႐ွင္

နှောင်ဖွဲ့ခြင်းကင်းတန်ခိုးရှင်

ဝမ်လင်းက သာမန်ရွာလေးတစ်ရွာရဲ့ လက်သမားမိသားစုက ဉာဏ်နည်းနည်းကောင်းတဲ့ ကောင်လေးတစ်ယောက်။ သူက သူ့မိဘတွေကို အရမ်းချစ်တယ်။ တနေ့သူ့ရဲ့ ဦးလေးတစ်ယောက်ကြောင့် သူက တန်ခိုးရှင်ဂိုဏ်းတစ်ခုကို ဝင်ရောက်ဖို့ ဖြစ်လာခဲ့တယ်။ သူ့မိဘတွေကလည်း သူ့သားကို အင်မော်တယ်တစ်ယောက် ဖြစ်စေချင်ကြတယ်။ ဒီတော့ သူလည်း တန်ခိုးရှင်ဂိုဏ်းထဲ ဝင်မယ်ပေါ့။ ဒါပေမဲ့ သူက ကျင့်ကြံခြင်းမှာ ဘာပါရမီမှ မပါလာခဲ့ဘူး။အဲတော့ ဂိုဏ်းကနေ နှင်ထုတ်ခံရတယ်။ အိမ်ကိုပြန်ရောက်လာတယ်။ ဒီတော့ ထုံးစံအတိုင်း ကျန်တဲ့ သူ့မိသားစုဝင်တွေက နှိမ်ကျတာပေါ့။ သူမိဘတွေကလည်း စိတ်တွေဆင်းရဲကြရတယ်။

ဒီတော့ သူက မခံနိုင်တော့ အင်မော်တယ်ဂိုဏ်းကိုမရရအောင် ဝင်မယ်ဆိုပီးအိမ်က ထွက်သွားတယ်။ နောက်ဆုံးတော့ သူ့ဦးလေး(၄)ရဲ့ အကြံအဖန်တချို့ကြောင့် သူ ဂိုဏ်းထဲဝင်နိုင်ခဲ့တယ်။ဒါပေမဲ့ အောက်ခြေကပဲ။ သူ့မှာ ဘာပါရမီမှ မပါခဲ့တော့ ကျင့်ကြံလို့လည်း အဆင်မပြေခဲ့ဘူး။ ကံကောင်းတာ တစ်ခုက သူက ကောင်းကင်ဘုံဆန့်ကျင်ခြင်း ပုတီးစေ့ ဆိုတဲ့ ရတနာတစ်ခုရခဲ့တယ်။ ဒီရတနာကြောင့်ပဲ သူက ကျင့်ကြံခြင်းလမ်းကို ဆက်လျှောက်နိုင်ခဲ့တယ်။

ဒါပေမဲ့သူက အင်မော်တယ်လမ်းကြောင်းကို လျှောက်ရင်း အရမ်းကြမ်းတမ်းတာ၊လူ့အသက်တွေကိုလည်း တန်ဖိုးတစက်မှမထားတာတွေကို သိလာခဲ့တယ်။ သူနဲ့လည်း ကျင့်ကြံခြင်းလမ်းကြောင်းက မအပ်စပ်ခဲ့ဘူး။ ဒါပေမဲ့ တနေ့မှာ သူ့ကို သတ်ဖို့ကြိုးစားခဲ့တဲ့ လူတစ်ယောက်ကို သူ ပြန်သတ်လိုက်တယ်။ အဲ့အချိန်ကစပြီး သူတို့မိသားစုတစ်ခုလုံးက ကပ်ဘေးတစ်ခုကျခဲ့ပြီး သူ့အဖေ၊အမေအပါအဝင် သူတို့ဝမ်မိသားစု တစ်စုလုံးက တန်ခိုးရှင်တစ်ယောက်ရဲ့ အမြစ်ဖြတ်သုတ်သင်ခြင်းကို ခံလိုက်ရတယ်။ သူကိုယ်တိုင်လည်း သေသွားခဲ့တယ်။ ဒါပေမဲ့ သူ့စိတ်ဝိညာဉ်ကတော့ သေဆုံးသွားခြင်းမရှိဘဲ သူနေတဲ့နိုင်ငံနဲ့ အလွန်ဝေးကွာတဲ့ နယ်မြေတစ်ခုကို ရောက်သွားပြီး နောက်တစ်ဖန်ခန္ဓာကိုယ်သစ်တစ်ခုကို ပြန်တည်ဆောက်ပြီး သူအရမ်းချစ်တဲ့ သူ့အဖေနဲ့အမေအတွက်၊ သူ့မိသားစုတစ်ခုလုံးအတွက် ပြန်လက်စားချေနိုင်ဖို့ ကျင့်ကြံခြင်းလမ်းကြောင်းကို အမုန်းတရားတွေ၊ ရက်စက်မှုတွေနဲ့ ဆက်လျှောက်ခဲ့တယ်။ ဒီလိုနဲ့ သူ့ရဲ့ တန်ခိုးရှင်လမ်းကြောင်းက အစပြုခဲ့ပြီး သူက နောက်ဆုံး စစ်မှန်တဲ့ တန်ခိုးရှင်တစ်ယောက် ဖြစ်လာမလားဆိုတာကတော့...။