ရှန်ရှလမ်းညွှန် (XianXia Book list)႐ွန္႐ွလမ္းၫႊန္

(64)အလင်းနတ်ဘုရား ပုလ္လင်တော်၏ မျိုးဆက်သွေး အမွေခံ

‪‪ဇာတ်လမ်းဇာတ်ကွက်တွေအကြောင်းကိုတော့ မပြောတော့ဘူးဗျ ဇာတ်အိမ်တည်ထားတဲ့ ခေတ်ကာလအကြောင်းပဲ အရင်ပြောပြမယ် သူက အတော်လေး စိတ်ဝင်စားစရာကောင်းတယ် မိတ်ဆွေတို့အားလုံး Big Bang Theoryအကြောင်း ကြားဖူးကြမယ်ထင်တယ် တချိန်တုန်းက စကြာဝဠာကြီးဟာ အစက်အမှတ်တခုတည်းမှာ ပူးကပ်နေခဲ့ကြတယ် ဒီကနေမှ မဟာပေါက်ကွဲမှုကြီးဖြစ်ပြီးတော့ ရုပ်စွမ်းအင် ကာလ ဒေသအားလုံးဟာ အပြင်ဖက်ကို တဖြည်းဖြည်း ပြန့်ကားလာခဲ့တယ် ပေါက်ကွဲမှုအပူချိန် တဖြည်းဖြည်း ကျဆင်းလာခဲ့တဲ့နောက်မှာ စွမ်းအင်သဘောသက်သက်ကနေပြီးတော့ ပရိုတွန် နူထရွန် အက်တမ် မော်လီကျူးတွေ ဖြစ်ပေါ်လာခဲ့တယ် ဒါက big bang theoryအကြမ်းဖျင်းပါ ဒီစာအုပ်ထဲမှာ ဒီသဘောတရားအပေါ် အခြေခံပြီး ဇာတ်အိမ်တည်ထားတာ တွေ့ရတယ်ဗျ ကမ္ဘာဦးမတိုင်မီ အချိန်ကာလတုန်း ဒီမြေကြီးပေါ်မှာ ဘယ်သက်ရှိမှ မရှိခဲ့ကြသေးဘူး တနေ့မှာတော့ ကမ္ဘာ့အလယ်ဗဟိုမှာ ကြီးမားတဲ့ စွမ်းအင်ပေါက်ကွဲမှုကြီးတခု ဖြစ်ပေါ်လာခဲ့တယ် သိပ်မကြာခင်မှာပဲ ကမ္ဘာဦးသတ္တဝါကြီးတွေ အပြိုင်းအရိုင်း ပေါ်ပေါက်လာတော့တာပေါ့ ဒီသတ္တဝါကြီးတွေဟာ ဒီစွမ်းအင်ကနေ ပေါက်ဖွားလာတာဆိုတော့ သူတို့အတွက် ဒီစွမ်းအင်က အသက်ရှင်သန်ဖို့ မရှိမဖြစ် လိုအပ်တယ်ဗျ big bang theoryမှာ ပေါက်ကွဲမှုအပူချိန် တဖြည်းဖြည်းအေးရာကနေပြီး စွမ်းအင်သဘောတရားတွေဟာ ပုံစံပြောင်းပြီး အက်တမ်တွေ မော်လီကျူးတွေ ဖြစ်လာတယ်ဆိုတဲ့ သဘောတရားနဲ့ တူနေတယ် နောက်တော့ အချိန်ကာလကြာလာတာနဲ့အမျှ စွမ်းအင်တွေ တဖြည်းဖြည်း လျော့ပါးလာတော့ ဒီသတ္တဝါတွေရဲ့ next generationတွေဟာ တဖြည်းဖြည်းနဲ့ အကောင်သေးလာတယ် အားနည်းလာတယ် တချိန်တည်းမှာပဲ အက်တမ်တွေ မော်လီကျူးပေါင်းစပ်မှုတွေ အဆက်မပြတ် ဖြစ်ပေါ်ရာကနေပြီးတော့ တခြားသက်ရှိ မျိုးစိတ်တွေ အများကြီး ပေါ်ပေါက်လာခဲ့တယ် ဥပမာပြောရရင် ရိုင်းစိုင်းလှတဲ့ ravangerတွေ သစ်ပင်တဝက်လူတဝက်မျိုးစိတ်တွေ နောက် လူတွေပေါ့လေ အစောပိုင်းကာလတွေမှာ ကမ္ဘာဦးသတ္တဝါဆိုးတွေ အားကောင်းတဲ့ကာလပေမဲ့ စွမ်းအင်သိပ်သည်းဆ နည်းပါးတဲ့ ကာလမှာတော့ ဒီသတ္တဝါတွေဟာ အားနည်းလာတယ် နောက်တော့ တော်လှန်ပုန်ကန်မှုတွေ ဆက်တိုက်ဖြစ်ပေါ်လာပြီး နိုင်ငံတော်တွေ ဆက်တိုက်ပေါ်ပေါက်လာတော့တယ် သတ္တဝါဆိုးကြီးတွေဟာလည်း တဖြည်းဖြည်း ကမ္ဘာမြေကြီးအောက်ထဲ တိုးဝင်ပျောက်ကွယ်ကုန်ကြတယ်ဗျို့ အတိုချုံးရရင် ဒီနိုင်ငံတော်တွေ တခုပြီး တခုပျက်သုန်းရင်းနဲ့ နောက်ဆုံးမှာ လူသားနိုင်ငံတော်ကြီးတခု ပေါ်ပေါက်လာတယ် လူသားတွေဟာလည်း အစာကွင်းဆက်ရဲ့ ထိပ်ဆုံးနေရာကို ရောက်ရှိလာတယ် သူတို့တည်ထောင်ခဲ့တဲ့ နိုင်ငံတော်ကိုတော့ အလင်းနတ်ဘုရားနိုင်ငံတော်လို့ ခေါ်ကြတယ် ထုံးစံအတိုင်း အသုံးမကျတဲ့ ဘုရင်တပါးလက်ထက်မှာ ဒီနိုင်ငံတော်ဟာလည်း ခုနှစ်နိုင်ငံအထိကွဲထွက်သွားတယ် ခင်ဗျ ကျွန်တော်တို့မင်းသားက ဒီခုနှစ်နိုင်ငံခေတ်မှာ မွေးဖွားလာတာပါ မင်းသား အသက်၁၃နှစ်အရွယ်မှာ မမျှော်လင့်ပဲ မျက်လုံးကွယ်သွားပါတော့တယ်
မေးခွန်း ၁ မင်းသားလေး မျက်လုံးပြန်မြင်လာမလား ဘယ်လိုပုံစံနဲ့ ပြန်မြင်လာမလဲ???
မေးခွန်း ၂ ပြန့်ကျဲနေတဲ့ ခုနှစ်ပြည်ထောင်ကို ပြန်လည်စုစည်းနိုင်မလား???
မေးခွန်း ၃ ပျောက်ဆုံးသွားတဲ့ တော်ဝင်သွေးထုတ်ယူတဲ့ကိရိယာကို ပြန်လည်ရှာဖွေနိုင်မလား
မေးခွန်း ၄ hibernateလုပ်ကုန်ကြတဲ့ သတ္တဝါဆိုးကြီးတွေ ပြန်လည်နိုးထလာမလား
မေးခွန်း ၅ သတ္တဝါဆိုးတွေနဲ့ လူသားတွေရဲ့တိုက်ပွဲမှာ ဘယ်သူအနိုင်ရသွားမလဲ