جاء موسى عليه الصلاة والسلام وقرب من البئر شاف الناس كيعمرو الماء وكيشربو البهائم ديالهم.
وشاف 2 بنات واقفين بعاد وكيتسناو حتى يساليو الناس عاد يأخدو الماء .
مشى عندهم سولهم وجاوبوه بكلام قليل .
عرف أمرهم وسقى لهما .
مشاو عند الاب ديالهم عاودو ليه شنو وقع .
قال لوحدة منهن سيري عيطي عليه نخلصوه في هاد الشي لي دار .
جات لبنت بالحشمة والأدب عند موسى عليه الصلاة و السلام
قالت الاب ديالي بغا يعطيك أجر ماسقيت لنا وسكتت.
مشى معاها كانت غادى تمشى قدامو قال موسى عليه الصلاة و السلام تمشاي من ورائي وملي تبغي نمشي من اليمين لوحي حجرة في اليمين وكدا ومثال في اليسار.
قال أمين سمعتو البنات اقل الكلام قالت وقاضي الغراض الاب بغا يخلصك .
ماشي صباح الخير.
فين كتسكن.
والجو حار ليوما.
إلى كنتي مسالي راه لوليد بغاك .
ولا قالت ليه باينة فيك ولد الناس .
وسمعتو الأولاد ماخلهاش تمشي قدامو وقال راه انا نبي منشوفش فيها هو دار الإحتياط
ماشي قال راه بحال ختي .
كمل القصة امين وقال ان موسى عليه السلام خدم عند الاب ديالهم وتزوج وحدة من لبنات.
غير سير بما أراد الله ومايكون غير الخير .
هادو هوما القدوة ديالنا ماشي الفنانين ومشاهير الغرب .
قال محسن أستاذ واش يمكن نلقاو بحال هاد الناس.
قال أمين لا ولكن مزال الخير في امة محمد صلى الله عليه وسلم إلى قيام الساعة ولكل زمان رجاله.
قالت إكرام أستاذ زمن ديالنا صعيب وبالخصوص مع التكنلوجيا الحديثة ومواقع التواصل الاجتماعي كاين الفتن بزاف والملهيات و الواحد كيبغي يساير العصر لي فيه .
قال أمين وي كاين صعوبة كيف ماقلتي ولكن حتى حد ما باغيك تكوني مريم العذراء او آسيا زوجة فرعون .
فقط تكوني إمرأة فاضلة وتقومي بما أوجب الله عليك.
وقال كاين نساء فاضلات في الزمن ديالنا وانا كنعرف وحدة منهن .
قالت إكرام وهي مبتسمة تكلم لينا عليها أ أستاذ.
تبسم وقال في الحصة الجاية إن شاء الله نتكلم عليها .
تلاميذ عجبهم الحال وكيتسناو غير توصل الحصة .
داز الوقت و وصلت الحصة دخل أمين للقسم سلم عليهم
وقال كيفما وعدتكم في الحصة السابقة اني نتكلم على السيدة الفاضلة لي كنعرف .
أنت تقرأ
أكيد سنلتقي (بالدارجة المغربية)🇲🇦🇲🇦
Espiritualشاب شارب للخمر ومن اسرة غنية يتعلق بي شابة ملتزمة .
