وصلت الأخبار الى كل العائلة وكل من في مؤسسة أبي نواس.
وجاو العائلة ديالها وديال أمين
وكل الأساتذة الا ريان
وجاو التلاميذ وأغلب الناس لي كيعرفوهم .
ومشاو للمسجد القريب من منزل أمين باش يصليو عليها من بعد صلاة الجمعة .
وكان المسجد عامر والجوانب ديالو عامرين وعاد تزادو عليهم الناس لي جاو مع الجنازة .
صلاو عليها وكل من صلى الجمعة مشى في الجنازة ديالها
وحتي لي كان غير في الطريق كيبان ليه الناس بزاف غادين في الجنازة كيمشي معاهم حتى تسدات الطريق من كثرة الناس .
في نفس اللحضة ريان تفكر الوعد لي عطى لمريم
وهو يتصل بالمدير وسولو على مكان الروضة.
جاء ريان بالسيارة وقف قدام الروضة وبان ليه تجمع ديال الناس معمرو شافو في حياتو .
وسول راجل ديالمن هاد الجنازة .
قال الرجل سمعت الإمام كيقول على انها إمرأة .
وهو يقول شخص أخر هادي بنت معرفش سميتها وراجلها كيسكن حدانا هنا في عين الذياب سميتو أمين .
قال ريان وهو مصدوم هي جنازة مريم
وجاوها الناس بزاف كيف قالت
هي على الحق هي على الحق وبقى كيكرر نفس الجملة بحال المجنون
وبدا يبكي وقال امنت يا مريم أمنت أشهد أن لا اله الا الله وأشهد أن محمد رسول الله
ومشى كيجري لمكان القبر ديالها لقى أمين واقف امام القبر
وقال ريان البركة في راسك خويا أمين
هي على الحق انا امنت بالله
قال أمين وهو كيبكي اه هي على الحق خويا ريان وبقى ريان معنقو وكيبكي بهستيريا.
دازت الايام ريان بدا يتعلم امور الدين وحرق أغلب كتب الفلسفة بإستثناء لي خاصة بالتدريس ديالو .
كان أمين مريح مع الام ديالو
قالت الأم ليه ان مريم كتبت ليك رسالة قبل ماتموت
وقالت ليا عطيها ليه من بعد موتي.
ناضت الام جابتها ليه
شد امين الرسالة وبدا يقرى فيها
وفي الرسالة طلبت منو مريم بعض الطلبات
منها ان ولدو الغير شرعي من نسرين يخرجو من الخيرية
ويعيش معاه ويربيه تربية حسنة أفضل من العيش في الخيرية يقدر يولي مجرم بحكم الضروف الصعبة بدون أباء .
وانه يعلم الناس دينهم بالتدريس او الطريقة لي تبان ليه ينفع بيها أبناء المسلمين .
دازت الأيام مشى أمين كيقلب على نسرين ولقاها كتخدم في مقهى
بقى كيتكلم معاها حتى قنعها باش ماتبقاش تخدم في المقهى .
ورجعها تقرى في مدرسة أبي نواس بدون مقابل من 20 فرد لي طلبت مريم من اب أمين يقراو بدون مقابل .
وساعدها ماديا وتزوجت بواحد من عائلتها وبقات كتكمل قرايتها .
أمين جاب ولدو سكنو معاه سماه آدم بدون مايدخلو في الحالة المدنية .
وقرر باش يولي يدرس التربية إسلامية باش يعلم التلاميذ الدين ديالهم كيف طلبت مريم .
(الرجوع الى 2019 )
قال الأستاذ أمين هنا إنتهت القصة.
وبدى كيشوف في التلاميذ شي مؤثر والبعض كيبكي وهو يخرج قدام الباب وبقى وافق كيشوف في الاشجار لي في الساحة .
جات عندو التلميذة إكرام وهي كتبكي وقالت بصوت ضعيف هذا كيعني أني انا كنقرى بدون مقابل بفضل مريم.
وخيرها وصلني وحتى وهي ميتة .
شاف فيها أمين وحرك راسو اه بدون مايتكلم .
قالت انا متأسفة ليك أستاذ ماكنتش عارفة انك انت عانيتي هاد الشي كامل
ولكن مع كمية الالم لي سببته ليا هاد القصة ندمت حتى قلت ليك كملها لينا وبقات كتبكي بحرقة .
قال أمين هادي أقدار ديال الله سبحانه الحمد الله على كل حال
سيري أ إكرام غسلي وجهك
ورجع أمين دخل للقسم.
أنت تقرأ
أكيد سنلتقي (بالدارجة المغربية)🇲🇦🇲🇦
Духовныеشاب شارب للخمر ومن اسرة غنية يتعلق بي شابة ملتزمة .
