ومشى كل واحد دخل القسم
ملي إنتهت الحصة خرجت مريم مع زينب .
وشافت مريم أمين جلس في الساحة غير لوحدو
قالت لزينب هاد الولد كل ماكنشوفو كايكون غير بوحدو
وحتى ملي كيجي يسمع لدرس
كنت كنشوفو واقف غير بوحدو وكايبان ولد الناس
وكيحب الدين وتبسمت وقالت وكيحشم .
قالت زينب اه كنعرفو أمين قرى معايا لعام لي داز .
قالت مريم علاش ماعندوش صحاب .
قالت زينب هو سقط عامين عندو 20 سنة
والتلاميذ دابا عندهم غير 15 سنة حتى 17سنة أصغر منو وماكيبغيش يجلس معاهم .
ومشات لعندو زينب وقالت السلام أمين
شافهم وقف وسلم عليهم وجلس جلست زينب وجلست حداها مريم بقاو كيتكلمو
وقالت زينب انا غادى غير نشرب ومشات .
بقى أمين ومريم لوحدهم وغير ساكتين
حتى قال أمين كيف جاتك المؤسسة هنا .
قالت أفضل من داك الشي لِسمعت عليها .
قال وهو كيتبسم انا قديم هنا الى كانت خصاك شي حاجة قوليها ليا .
قالت شكرا التلاميذ هنا تبارك الله الله يعمرها دار .
قال اه فعلا .
قالت ولكن انت علاش ماكيكون معاك حتى صديق .
قال انا كنحب نتكلم في الدين ولكن التلاميذ هنا كيبغيو يتكلمو غير في الكرة والأشياء لي معندها قيمة .
إستغربت من كلامو
وقالت ولكن مع دالك الشباب غادي يتكلمو في أشياء كتخص الأعمار ديالهم .
قال الأصدقاء ديالي نجحو وبقيت انا هنا .
قالت وعلاش انت مانجحتيش.
قال انا صراحة مكنحبش لقرايا وكنجي لمدرسة فقط باش لوليدة تبقى على خطرها .
قالت ولكن خاصك تقرى باش تخدم وتكون حياتك أفضل .
قال كلامك أكبر من سنك اكيد نتي معندكش 16 أو 17 سنة.
قالت عندي 21 سنة .
تبسم وقال كما قلت ولكن ماكيبانش عليك انك كسولة بحالي شنو سبب لي خلاك باقا غير في لباك .
قالت كنت كنغيب بزاف لي أسباب خاصة ديالي .
قال لاشيئ يهم فقط الامور لي ديري تكوني مرتاحة فيها .
قالت كلامك صحيح .
في ديك اللحضة رجعت زينب ومشى كل واحد للقسم ديالو
كملت الحصة جات زينب عند أمين
وقالت انا مشيت باش نخليك معاها باش يحيد منك الخوف وبقات كتضحك .
قال عرفتك درتي هكداك شكرا للمساعدة وضحك.
ومشاو .
في الليل أمين شرب مع باباه.
وبقى أمين ساهي كيتفكر باش كانت كتكلم معاه مريم .
وباباه كيشوف فيه وقال أمين بغيت نقول ليك شي كلام .
قال أمين قول .
قال الاب واحد النهار كنت أ ولدي كنشرب في السيارة وملي كملت مشيت لوح لقراعي في زبل سمعت صوت طفل صغير كيبكي
وجيت هزيتو بقى فيا .
الاب قرب حدى أمين وقال بصوت حزين الطفل لي لقيت هو انت .
أمين تصدم وغضب .وكمل الاب كلامو وقال من بعد عرفت بأن مراة هي لي لاحتك في زبل .
أمين بدى يبكي وقال كتكدب وناض كيجري مشى عند ماماه .
شافتو قالت مالك .
قال واش بصح انا ماشي ولدكم .
قالت أ ويلي علاش.
قال ليا منصف انه لقاني في زبل .
قالت باباك راه شارب واش كتدي عليه .
قال لواحد ملي كيكون شارب عاد كيكون صريح وكيقول الحقيقة .
قالت الى باباك انا مكنصدقوش ومكنكدبوش.
في حاجة وحدة لِكنصدقو ملي كيجي عندي لكوزينة
وكيقول ليا فيا الجوع فقط كنعرف انه فعلا فيه جوع
انت ولدي وتبسمت وقالت راه أغلب لمغاربة ملي كيبغيو يضحكو مع ولادهم كيقولو ليهم لقيناكم في زبل
مشات عند رجلها
وقالت ليه علاش قلتي ليه هاد لكلام .
قال وهو كيضحك بان ليا ساهي وبغيت نفيْقو .
قالت انت عارف ان أمين مابقاش كيفما كان ولى غير معصب وكيخمم من بعد ماسقطتيه بطريقتك .
والمشكل لي جرى ليه مع نسرين .
قال وي عارف را مزيان يدوز من بحال هكدا باش يكون راجل وعندو خبرة فالحياة .
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
