رجع أمين لدار بقى مريح في البيت
وتفكر مريم ملي قالت ان حلمها هو تزوج ودير وليدات تعلمهم القرآن الكريم
وقرر باش يتزوج بيها
خرج من البيت مشى عند الاب والام ديالو
وقال أنه باغي يتزوج بمريم .
تفاجأو وقالت الأم البنت مريضة ومرضها في الأخر ديالو .
قال أمين هي مريضة ولكن الموت كيعلم بيه ربي .
وحتى حد فينا ماضامن روحو .
الاب بقى ساكت .
في الغد أمين مشى لعند مريم.
وقال مريم أنا باغي نتزوج بيك .
مريم كأنها ضربها الضو وقالت شنو كتقول أ امين .
قال باغي نتزوج بيك على سنة الله ورسوله .
قالت انت عارف أني مريضة.
قال امين اه عارف ولكن الموت كيعلم بيه ربي.
واش كتكرهيني .
قالت مريم لا .
قال واش انا يليق بالزواج او لا .
قالت مريم أنت تستاهل أي بنت .
قال امين واش تقبلي تزوجي بيا .
مريم ماجوباتوش.
عاود قال مريم واش تقبلي تزوجي بيا .
مريم مابغاتش تجاوبو.
وعاود قال مريم جاوبي غير بكلمة وحدة واش تقبلي تزوجي بيا .
قالت لا ماقبلاش نتزوج بيك .
وهو يمشي خرج من المؤسسة ومدخلش للقسم .
وبقات مريم كتبكي .
مشى أمين لدار
وفي الليل عرف الاب ان أمين مامشاش لمدرسة
جاء عندو بدى يتكلم معاه وقال الاب واش عرضتي عليها الزواج .
قال أمين اه ورفضت .
قال الاب هي إنسانة عاقلة أكيد غادى ترفض بي سبب ضروفها
سمع أولدي أمين
ملي قلتي باغي تزوج بيها انا ماقلت ليك والو وخليتك تمشي في الطريق وحدك باش تحمل كل مسؤولياتك.
لكن ملي رفضت مريم الزواج بك
سمع اش غادي نقول ليك
وقال الأب الرجل كايكون مارزقوش الله سبحانه بالأولاد
كايكون متألم وكيطلب الله يرزقو الولد .
والى جاء عندو ولد دوز معاه سنة او سنتين ومات الطفل
كايكون ألم الاب مضاعف على ألم انه لم يرزق بالولد .
ومريم مسكينة في اواخر أيامها مع هاد المرض.
انت الان متألم على انها مابغاتش تزوج بيك ولكن غادي يكون ألمك أكبر الى تزوجتي بيها وماتت
فكر أولدي مزيان وخدم عقلك وبعد من العاطفة ومشى الأب لبيتو .
أمين بقى لوحدو كيفكر في كلام الاب ديالو وإقتنع بكلامو.
في الغد قالت الام لي أمين أن الاب ديالك بغى يدي ملفات لمكتب ديالو في طنجة
وانا طلبت منو باش تديهم انت الى بغيتي
راه كاين غرفة في الفندق ليك باش تفوج على راسك شويا وتحايد من هاد الهم لي انت فيه .
قال أمين واخا .
قالت ولكن ماتمشيش في السيارة ديالك
وسير في لكار باش تحس بالسفر وتشوف المدن لي غادي تدوز عليهم .
اما في سيارتك غادي تبقى مركز غير مع السياقة.
وافق أمين ومشى لمحطة وركب في الكار.
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
