ناضت بنت قالت أستاذ فين مشات زينب وشنو وقع معاها .
قال أمين تزوجت بعد موت مريم ومدارتش العرس
ومن داك الوقت مابقيت نعرف عليها والو
حتى لمؤخرا سمعت انها كتدْرس الطب .
ناض تلميذ قال والأستاذ ريان شنو وقع معاه .
قال أمين شكون لي كتقرى عندو الفلسفة .
قال التلميذ عند السي عبد الرحمان .
تبسم أمين وقال هو ريان.
ملي أسلم قال ليا ان الله رحمني ومامتش وانا كافر من ليوم انا عبد الرحمان وبدل الإسم ديالو .
تزوج وتزادت ليه بنت سماها مريم وقال ليا طلبت ربي تكون بنتي بحال مريم.
ناض تلميذ آخر وقال قريت أ أستاذ ان المريض بالسرطان في الاخر ديالو كيفقد الذاكرة .
قال أمين اه هاد الشي لي قالت ليا الطبيبة
ولكن مريم حفضها الله ومافقدتش الذاكرة وبقات محافضة على صلاتها وتلاوة القرآن الحمد الله .
كملت الحصة ومشى أمين لدار لقى ادم جا من المؤسسة وبقى كيلعب معاه .
في الغد جا أمين للمدرسة وجاب معاه آدم .
دخل أمين للقسم وبقى كيلعب آدم في الساحة.
بدا أمين كيدير الدرس.
وقال ادم بابا بغيث نشرب .
أمين قطع الدرس ومشى جاب ليه الماء .
رجع أمين القسم وقال هذا آدم الإبن ديالي الغير شرعي مع نسرين .
انا الان مادخلتوش في الحالة المدنية حيت في الشرع ديالنا مايمكنش يورثني او يكون إبني في الاوراق .
هو الان كيتنسب فقط للأم ديالو .
والام ديالو هي الان مزوجة وعندها أولاد اخرين صغار مع راجلها.
وراجلها مايقبلش يعيش معاه آدم حيث هو جا نتيجة غلطة .
أمين بدا كيشوف في آدم كيلعب وتاثر وقال الان هو في عمرو 6سنوات وهو ماعارف والو .
انا كل مرة كنشوفو كيلعب قلبي كيتقطع عليه من الحسرة والألم .
شاف في التلاميذ وقال عفاكم ماطيحوش في الغلط لي وقعت فيه إهتمو بدراستكم لي غادى تنفعكم .
والى عجبتك بنت قصد دارهم وتكون ليك في لحلال .
اما بالنسبة لبنات ماتخليوش حتى حد يضحك عليكم صبرو رزقكم غادي يجي عندكم كلشي مكتوب عند ربي .
مشى أمين لدار ولقى ام مريم في الدار سلم عليها وريح كيتكلم معاه .
قالت الأم لي أمين أن مريم الله يرحمها قبل ماتموت كتبت جوج رسالات
وقالت ليا ملي نموت عطي هادي لي أم أمين وقولي ليها تعطيها ليه ملي تدوز على وفاتي مدة .
والرسالة الثانية خليها عندك الى شفتي أمين ساكن معاه ولدو .
وأمين بدا كيعلم الناس الدين بأي طريقة إختار هو عطيه هاذ الرسالة
وإلى مدارش هاد الأمور بلى متعطيها ليه وقطعيها .
قالت الام شفت آدم ساكن معاك
وملي وليتي تقري التربية الإسلامية وتعلم التلاميذ دينهم .
انا نسيت الرسالة حتى مؤخرا كنت كنجمع الدار ولقيتها .
مدت ليه الرسالة
شدها امين وطلع لسطح وبدا كيقرى فيها ومن لكلام لي لقى .
انها قالت شكرا ليك أمين انك رجعتي ولدك لدار
وشكرا ليك انك كتعلم الناس دينهم وشكرا ليك على كل شيء.
وقالت أيضا الزوجين الى ماتو وهوما صالحين كيتلقاو وكيكونو زوجين حتى في الجنة .
قالى تعالى في سورة الزخرف الآية 70 .ادْخُلُوا الْجَنَّةَ أَنْتُمْ وَأَزْوَاجُكُمْ تُحْبَرُونَ .
يارب يجمعني بيك في الجنة إن شاء الله أكيد سنلتقي .
تبسم أمين ملي كمل لقرايا ديال الرسالة وشاف في السماء وهو مبتسم وقال بإذن الله أكيد سنلتقي .
إنتهت القصة .
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
