أني إلى ماجبتش فوق من 15 في القسم يسقطني
ونتي عارفة ان هاد الأمور ساهلة عند الاب ديالي.
قالت وي عارفة لمهم نخليك انا غادا نمشي .
قال علاش جيتي عندي انتي ماغاداش تجي عندي باش تسلمي عليا وتمشي.
قالت والو غير جيت .
قال غير قولي علاش جيتي .
قالت بغيت نطلبك على السيارة ديالك مع قالو ليا 10 أيام عاد غادى تصلح ليا السيارة والمحطة بعيدة على الدار ومابغيتش نبقى نتعطل على التلاميذ ولكن ملي سمعت منك لي سمعت عرفت اني غلطت في العنوان.
قال سوارت عند سي حسن في الباب ولوراق في السيارة ومشى .
قالت وهي فرحانة شكرا أمين .
وقالت في نفسها هاد الولد مامربيش ولكن من الصعب انك تكرهو.
دخل أمين القسم كملت الحصة خرج شد طاكسي لدار صونا عليه الاب ديالو .
هز أمين تليفون وقال وي منصف .
قال الاب هاني المرضي.
قال أمين بخير كاين شي جديد .
قال الأب وي راه وصلت الكونياك (نوع خمر فرنسي ) .
قال أمين وهو مستغرب أواه بزربة وصلت .
قال الأب أه و معاها سكريمينيج إيجل (قنينة خمر) عمرها 19 سنة هدية من صديق ليوم طايح أكثر من نايض.
قال أمين شي جلسة مربوحة ليوما تلاح حتى تجي في لعشية.
وصلت العشية وجاء الاب لقى أمين موجد الجلسة قرب المسبح داخل الفيلا سلم عليه .
ومشى الاب جاب شراب من الثلاجة وبعض الفواكه الجافة .
ريح الاب وقال راه تكلم معايا سي حسن (مدير المؤسسة )
وقال انك قلتي ليه يقبل من تلميذة انها تخلص في الشهر ومتدفعش السنة كاملة مقدما.
قال أمين بزربة أ صحبي وصلاتك.
قال الاب إلى ماقلهاش ليا راه غادى تحسب عليه قول ليا واش شي وحدة جديدة هادي ياله تفكيتي من مشكل نسرين.
قال أمين أشمن وحدة جديدة انا مشفتهاش غير بقات فيا وأشرت على حسن باش يقبل منها .
قال الأب لكن المؤسسة عندها قانون ديالها مايمكنش يتغير.
قال أمين وا سي منصف واش هادي هي لجلسة لي كاتقول ليا بادية بي حاجات لاعلاقة.
قال الاب صافي نسى وكُب لكاس وبلى قياس .
ضحك أمين وقال الشعر والخمر .
في الصباح ناض أمين ومشى لتلاجة بانت ليه لقرعة وهو يشرب منها ومشى لمؤسسة.
دخل لقسم عند أستاذة علوم الحياة والأرض
وجلس في الطاولة الاخيرة ديال الرخام ونعس دخلت الاستاذة مجرد ماريحت شافت أمين ناعس.
وهي تغوت أمييييين .
ناض شاف في ليمن وليسر ماعرف شكون عايط عليه ورجع نعس.
الأستاذة عرفت انه شارب الخمر حيث من قبل عمل نفس الأمر.
قالت واحد يفيقو.
فاق أمين .
وقالت الأستاذة مالك أ أمين عوتاني.
قال أمين غير الضرسة أ أستاذة الله ينجيك.
قالت أجي تبعني خرجت من القسم و وقفت معاه
وقالت شارب عوتاني.
قال مانكدبش عليك أ أستاذة فقت وملي غسلت مشيت لطابلة ومع كان داز عليا الوقت لقيت كاس عامر وكيصحاب ليا ديال أتاي
وشربتو بزربة وملي كملت عرفتو شراب
وندمت ومابغيتش نغيب عليك أ أستاذة حيث عزيزة عندي.
قالت إوا قولها السي أمين في الاول باش نعرف وضعك ونقدرك .
قال شكرا أ استاذة حيث قدرتي ظروفي.
قالت وااااا السي أمين راه وحدة في عمرها 5 سنوات ومتصدقش هاد لفيلم لي كتقول
دخل هز شكارتك وسير كمل نعاسك في داركم.
اخد أمين شكارة وخرج حتى وصلت الحصة الثانية ديال الفلسفة.
مشى عند ريان (أستاذ الفلسفة ) قبل ما يدخل القسم
قال أمين ريان راني سكران وانت لوحيد لي كتقبلني ندخل عندك وأنا في هاد الحالة.
قال ريان مرحبا وانت اصلا ماكتجاوبش لا انت صاحي ولا انت سكران .
قال أمين حصتك مملة كتبقى علينا غير قال أفلاطون قال أرسطو قال دوستويفسكي شنو غادي يفيدني هاد الشي أنا .
تبسم ريان و قال أنت كسول وبدون هدف وكينطبق عليك المثل الروسي لي كيقول الجندي الذي لا يأمل أن يصبح يوماً جنرالاً جنديٌ خامل .
قال أمين انا كل يوم كنوض ونجي للمدرسة وندير في السيارة ليسانس من جيبي
ومكيخلصوناش باش نقراو هوما كيتخلصو من عندنا.
كون كان المقابل غادي نكون تلميذ متميز
لكن انا عاجبني الكسل ديالي
والعمل لقاء لاشيء يجعل الإنسان كسول.
قال ريان طلعتي فيلسوف مع راسك .
قال أمين راه خليت ليك من الكونياك حتى تسالي دوام ديالك وتمشي معايا لدار نعطيك القرعة.
ودخلو القسم ملي إنتهت الحصة .
مشى ريان مع أمين كل واحد في السيارة ديالو .
أمين كان سابق ريان وصل أمين دخل لدار مشى لبيت ديالو ونعس ونسى أن ريان كان جاي من وراه في السيارة.
ريان تعطل عليه أمين وصونا عليه ماكيجاوبش قال هدا هو لعب لبراهش وركب في السيارة ومشى.
في الغد جاء أمين لمدرسة ولقى ريان كيتسناه في الباب .
شاف فيه أمين بان ليه غاضب وهو يجي عندو وقال أمين قبل ماتقول شي حاجة كنت سكران لبارح ماديش عليا لمهم هاهي لقرعة جبتها وعطاها ليه.
قال ريان جيبها غير مستورة بعدا.
قال أمين انت كتحشم لي كتشرب القهوى في رمضان في القسم وحنا صايمين.
قال ريان انا ماكنتسوق لحتى حد غير مابغيتش المدير يشوفها يبقى فارع ليا راسي .
أنت تقرأ
أكيد سنلتقي (بالدارجة المغربية)🇲🇦🇲🇦
Духовныеشاب شارب للخمر ومن اسرة غنية يتعلق بي شابة ملتزمة .
