ملي وصلو عليها
قال واحد منهم شكرا ليك حيث عرفنا منك الحق .
قالت الحمد الله هذا فضل من الله .
قال علاش ماكملتيش لكلام مع الأستاذ.
قالت في الأول كان كيصحاب ليا كيقلب على الحق
كنت كنجاوبو على الأسئلة ديالو
ولكن في الآخر عرفت أنه باغي غير يسولني ومانعرفش نجاوب
ويقول انه إنتصر عليا وخليتو ومشيت .
قدمت ليهم بعض النصائح ومشاو.
في نفس اللحضة جاء ريان وهو غاضب
وقال مريم .
شافت فيه .
وقال انا عارف انك نتى السبب حتى توقف المؤتمر .
قالت اه انا السبب .
قال وعلاش شنو لي خلاك ديري هكدا .
قالت هاد المؤتمر دايرو أنت باش تقلل من الدين ديالي وأنا دافعت على ديني بطريقتي .
قال انا كل عام كنضم هاد المؤتمر
وانتي ماشي شغلك شكون لي قالك أجي للمؤتمرت كاع من الأول .
قال أمين بصوت مرتفع وهو غاضب
أنا لي قلت ليها تحضر عندك شي مانع .
قالت مريم أمين تكلم مع الأستاذ ديالك بأدب .
أمين سكت .
والأستاذ مشى .
أمين غادي مع مريم وزينب .
مريم شافت في أمين وبان ليها غاضب من تدخلها مع ريان
وقالت أمين ماتغضبش مني أنت أخي .
أمين عجبو كلامها تبسم وقال انا ماغضبانش.
دازت 5 أيام ومجاش ريان للمؤسسة كثر من الشراب وأثر ليه على الكبد .
مريم شافتو مابقاش كيجي يقريهم ومشات عند المدير سولتو على ريان .
قال المدير انه إتصل بيه وقال ليه أنه مريض .
مشات مريم عند أمين
وقالت ليه الأستاذ ريان مريض .
قال لي ماكيأمنش بالله راه مريض راه باين .
قالت راه قال ليا المدير ان ريان مريض
. قال أمين على الله يموت ونرتاحو منو .
قالت مريم حشومة قول الله يهديه شنو غادي نربحو ان لواحد الى مات وهو كافر ومشى لجهنم .
قال وشنو غادي نربح انا الى مشى هو الجنة.
قالت الله سبحانه كيحب الناس يكونو مُطيعين ليه ويمشيو الجنة
وحنا خاصنا نحبو الأمور لي كيحب الله سبحانه.
تفجأ من حكمتها وبقى ساكت .
قالت كتعرف دارو قال اه .
قالت الى كان ممكن نمشيو لعندو .
قال هو كافر ماخصناش نزوره
والله سبحانه كيقول.
لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ .
تفاجأت وتبسمت وقالت ماشاء الله عليك
لكن الآية كتقول ان ماخاصش يكون بيناتنا حب كيف حب المسلمين لبعضهم.
انا باغا نمشي عندو باش نبين ليه أخلاق الإسلام ربما يهديه الله .
قال واخا نمشيو .
ياله كان غادي معاها
وقال نسينا زينب
والأب ديالك انا وعدتو انك ماتركبي معايا حتى تكون زينب.
مريم عجبها لحال .
وإتصل بزينب وجات مشات معاهم.
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
