مشات مريم لدارهم وقالت ان أمين لي كان جاء عندنا مع زينب بغى يتزوج بيا
وقال انه غادي يجي نهار الجمعة يخطبني
وهو عارف بمرضي وانا رافضة الزواج .
قال الاب لي بان ليك أبنتي وانا معاك
كان جا عندي أمين للمسجد وإعتذر ليا
وقال ان زينب ماشي الاخت ديالو
وقال ليا السبب لي خلاه يكذب
انا سمحت ليه أمين ولد الناس .
قالت الام اه شفتو ديك المرة ولد كيبان مربي
علاش ماتقبليش تزوجي بيه .
قالت مريم .
أمين الله يعمرها دار لكن المشكل عندي انا
اني مريضة ومابغاش حتى حد يعاني معايا .
قالت الام الله يشافيك أبنتي ديري لي ترتاحي ليه .
أمين قال لدارهم باش يمشيو يخطبو ليه مريم نهار الجمعة
دارهم وافقو غير باش مايشفوهش مدمر أكثر .
وصل يوم الجمعة في الليل مشاو دار أمين لعند مريم .
دخلو عندهم.
دار مريم فرحو بيهم وكبرو بيهم واخا عرفين ان مريم ماقبلاش تزوج .
بقاو كيتكلمو وقال أب امين انه جاو طلبين يد بنتكم مريم لولدنا أمين .
قال اب مريم مرحبا فين نلقاو بحال أمين
ولكن نشوفو رأي مريم
وعيط الاب ديالها عليها و جات
سلمت مريم على ام أمين من وجهها وريحت حدا الاب ديالها .
قال الاب ديالها هاد الناس أبنتي جايين على أساس يخطبوك لولدهم شنو كتقولي .
شعرت مريم بالحشمة ولكن مع ذالك قررت باش ترفض
شاف فيها أمين وشافت فيه وبان ليها في عينيه انه مأثر وكلُ ألم .
بقات ساكتة مريم وتاثرت بأمين في هاد لحالة .
قال الاب ديالها تكلمي أبنتي .
امين كايشوف فيها ومأثر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهي كتشوف فيه تأثرت وقالت انا موافقة .
كلشي فرح وقال أب أمين نقراو الفاتحة.
وبقاو كيتكلمو إتفقو على كل أمور الزواج والعرس .
في الغد رجع أمين للمدرسة تلاقات معاه زينب
وقال ليها انه خطب مريم .
زينب غضبت عليهم بجوج وقالت لي امين انا ماقلتو ليا والو واش ماكتعرفونيش .
قال جا الامر على غفلة ومريم ماكانتش موافقة .
قالت زينب علاش ماكانتش موافقة .
بقى ساكت
وقالت زينب قول علاش كتخبي عليا .
قال أمين ملي عرضتي عليها لعرسك ورفضت.
قالت ليا انها مريضة بسرطان الدم وقال الطبيب انه بعد 3 أشهر أو 4 غادى تموت والمرض غادي يخرج على السيطرة .
زينب تصدمت وبدات كتبكي .
وكمل كلامو قال مابغاتش تقول ليك على مرضها
باش متألميش وماقبلتش في الاول الزواج بي على ود مرضها .
في نفس اللحضة دخلت مريم للمؤسسة
شافتها زينب ومشات كتجري عندها وعنقتها
وقالت سمحي ليا على كلشي وإن شاء الله ربي غادي يشافيك وغادى تبقاي معانا
وبقات زينب معنقة مريم وكتبكي.
مريم شافت في أمين ومعجبهاش لحال انه أخبر زينب بمرضها
وقالت مريم لزينب إن شاء الله أختي زينب مايكون غير لخير
مشات مريم مع زينب غسلت وجهها ودخلو للقسم .
دازت 3 أيام.
امين دار عقد الزواج مع مريم .
وقررو بعد أسبوع يكون العرس .
داز أسبوع دارو العرس عرضو على الأساتذة والمدير وبعض التلاميذ منهم ياسين صاحب أمين وزينب .
داز العرس وتوقف أمين ومريم على الدراسة لعلاج مريم .
أنت تقرأ
أكيد سنلتقي (بالدارجة المغربية)🇲🇦🇲🇦
Духовныеشاب شارب للخمر ومن اسرة غنية يتعلق بي شابة ملتزمة .
