وصل موعد الطبيب
مشى أمين مع مريم عند الطبيب .
دخلو
جات عند مريم طبيبة لي مكلفة بيها مشات مريم معاها وبقى أمين مع طبيب .
قال الطبيب انت هو أمين راجل مريم .
قال أمين اه .
قال الطبيب عارف المرض ديالها .
قال أمين اه وانا مامصدقش الوقت لي قلتي باش يخرج المرض عن السيطرة وتموت حيت الموت كيعلم بيه ربي سبحانه .
بقى طبيب كيشوف فيه وقال انا أ ولدي إنسان متدين وعارف الدين
وانا هنا في العيادة داير طبيب خاص بالرجال
وطبيبة خاصة بالنساء باش ماتكونش الفتنة .
اناقلت هاد الشي باش ماتقولش ان هذا غير طبيب ومعارفش الدين .
اما الموت كيعلم بيه الله وهذا امر باين .
انا اولدي 33 سنة وانا في الطب دازو عندي حالات بحال مريم بزاف.
وملي كتوصلني التحاليل ديالهم من خارج الوطن وكنشوف انهم في لمرحلة الاخيرة ديالهم ماكنكدبش عليهم وكنقول ليهم شنو كاين من باب الامانة .
كيبقى الأمر غير إحتمال كتقول لشخص انه بعد 3 أشهر مثلا ماغديش تبقى السيطرة على المرض
وان الامر كيأدي للوفاة
هذا امر عرفناه عن طريق التجارب والحالات لي دازو عندنا
واغلب من قلت ليهم ان المرض غادي يخرج عن السيطرة ماتو .
وكاين لي اراد الله سبحانه انهم يعيشو حتى ولو قال الطبيب انهم لن يعيشو الإحتمال ديالو كيطلع غالط في الاخير .
وانا أولدي ماشي شفت راجل في الطريق غادي وقلت ليه بعد 3 أشهر غادي تموت .
راه الاطباء كيبان ليهم ان المريض لن ينفع معه علاج وهدا امر عادي عندهم .
وهاد الأمور حتى في التاريخ الإسلامي ديالنا
مثلا طبيب هارون الرشيد ملي شاف العينة ديال البول ديالو قال انه قرب اجله وبعد أسبوع مات هارون الرشيد .
ونزيدك أولدي قصة اخرى
كان ابو بكر الصديق رضي الله عنه كياكل مع طبيب عند الناس
وقال الطبيب إرفع يديك يا ابي بكر هذا الأكل فيه السم
كيبقى سنة في جسم الشخص .
والشخص كيموت .
وفعلا مات ابو بكر والطبيب بعد سنة
من اكلهم الطعام المسموم .
وكاين حالات بزاف في التاريخ بلى مندكرهم
وياحسرة الطب الان متطور على السابق.
امين بقى غير كيشوف وقال ياربي تكون غالط السي طبيب وتعيش مريم .
قال الطبيب هاد الشي لي حتى انا باغي مريم الله يعمرها دار .
جات مريم عند امين ورجعت معاه لدار .
في الليل امين ناض من نعاس باش يشرب مالقاش مريم
تخلع وهو يشعل الضوء لقاها وافقة كتصلي .
تأثر من فعلها وقال في نفسو هاد الشي علاش كل الناس كيقولو فيك كلام زوين
إن الله إذا أحب عبد وضع ليه القبول في الأرض
ومشى توضأ وجا كيصلي حداها .
أنت تقرأ
أكيد سنلتقي (بالدارجة المغربية)🇲🇦🇲🇦
Espiritualشاب شارب للخمر ومن اسرة غنية يتعلق بي شابة ملتزمة .
