وتمت غادى زينب معاه في السيارة
وقالت لبنت مات ليها جدها يا لكذاب .
بقى كيضحك .
قالت انت أكبر كذاب في الكون .
قال وهو كيضحك اه عارف واش كيصحاب ليك انا جعفر الصادق ديال كازا .
قالت وعلاش كذبتي .
قال قلت لمريم تمشي معايا انا وزينب لمكتبة في السيارة
قالت ليا لا حتى تقولها لباباها
وماقدرتش تقولها ليه وقلتها انا .
وكون قلت ليك هاد الشي في الأول كاع ماغادى تمشي معايا.
قالت ماعمري نتيق بيك .
قال سمحي ليا ونعطيك هدية .
تبسمت وقالت اوكي عطيني لهدية .
قال لكرطونة ديال السكر لي فلكوفر باش تعمري أتاي وهو يضحك .
وحتى هي ضحكت .
ملي وصلها لدارهم قال خودي لكرطونة .
قالت ماعندي ماندير بيها ومشات دخلت .
قرب لحدى بابهم بالسيارة وحط لكرطونة قدام لباب
وصونا وبعد وبقى كيشوف حتى خرجت زينب شافت لكرطونة تبسمت ودخلتها وهو مشى .
في الغد جاء أمين لمدرسة
جات عندو مريم سلمت عليه
وقالت زينب أختك .
قال اه أختي في الدين
لكتب لي عطيتيني قريت ان إبراهيم عليه السلام
قال لزوجته سارة انها أخته في الدين .
قال وجبتيها لدار باش تحفض معايا.
قال امين اي وقت تقضيه زينب معاك وهو في صالحها انتي إنسانة فاضلة .
قالت انت ذكي لو تستعمل هاذ الذكاء في الخير وتنفع بيه الناس لكان خير لك في دينك ودنياك .
قال انتي قلتي ليا قول الاب ديالي باش تركبي معانا في السيارة وأنا مشيت قلتها ليه بطريقتي .
تبسمت
وقالت كنت جايا دابا لعندك وأنا غضبانة
لكن انا غادى نمشي والغضب مابقاش وهي تبسم ومشات
وهي غادى قال ليها ضنيتي اني مانقدرش نقولها لباباك
راك انتي علمتينا ان لانخاف الى من الله ونحترم الكل .
لا أتمنى ان تندمي انك علمتينا هاد الشي .
وبقات كتضحك وهي غادا .
وتبسم وقال في نفسو مابقيتش كنحس بالخوف ملي كتكون أمامي هذا تحسن ملحوظ.
دازت 5 أيام
جاء أمين عند مريم
وقال جبت ليك كتاب هدية بمناسبة عيد الميلاد ديالك .
قالت شكرا لكن انا بنت مسلمة ماكنحتفلش بعيد ماحتفلش بيه الرسول صلى الله عليه وسلم وانا كنرفض هديتك
وشكرا انك كتقدر الناس لي كيعرفوك .
شعر بالحزن وتبسم
وقال اوكي ماشي مهم .
وهو يمشي ورجع عندها
وقال انا إسمي أمين
بغيت نعطيك هدية على مجهوداتك لي كديري باش تعلمينا الدين ديالنا واش ممكن تقبلي .
أنت تقرأ
أكيد سنلتقي (بالدارجة المغربية)🇲🇦🇲🇦
Espiritualشاب شارب للخمر ومن اسرة غنية يتعلق بي شابة ملتزمة .
