قال امين ماشاء الله واخا ملي حفضاهم غادي ناخدهم وجزاك الله خيرا .
قالت وإياك اتمنى انك حتى انت تحفضهم وتعطيهم لوحدين أخرين يتعلمو حتى هوما دينهم .
شاف فيها وتفكر لبارح ملي كان كيشرب هو ولواليد ديالو وقال ليها أكيد غادي نعطيهم لحد غيري .
ومشات .
وهو رجع لسيارة حط لكتب ورجع مشى لقسم .
في الليل قرر انه في الغد يقول لمريم انه باغي يتزوج والى قبلت يجيب دارهم ويجي لدارها.
وفي الصباح وقف امام لمرايا وبقى كيشوف الطريقة لي غادي يتكلم معاها بيها .
مشى لمدرسة تلقى مع زينب وقال ليها انه غادي يتكلم مع مريم على الزواج .
شافت فيه زينب تبسمت
وقالت ومالك كتقولها وانت مخلوع أواه واش هذا أمين لِكنعرف .
قال والله ماكدبتي اول مرة كنحس بالخوف .
قالت ماتخافش الامر عادي انت باغي غير لحلال انا غادى نتسناك في الساحة ودخلت
وبقى هو كيتسنى مريم .
جات مريم مشى عندها
وقال السلام عليكم مريم .
قالت عليكم السلام .
قال باغي نقول ليك شي كلام .
قالت انا كنسمعك قل .
قال خايف الى تقلقي .
تبسمت وقالت الى ماكانش كلامك كيقلق فأنا ماغداش نتقلق .
بقى يشوف فيها وساكت .
قالت تكلم مالك .
قال صلاة المغرب واش كتقصر عند المسافر أو لا .
ضحكت من قلبها وقالت واش هاد لكلام هو لي غادي يقلقني .
قال حيت كاين لِكتسولو بحال هكذا ماكيعجبوش
وكيقول انت في هاد السن وماعرفش حتى القصر في الصلاة .
قالت اه كاين بصح لِكيقول هكذا .
ولكتب لي عطيتك راه فيهم قصر الصلاة .
قال اه قريتها وبغيث نتأكد منك .
قالت كل علماء متفقين على ان صلاة المغرب ليس فيها قصر .
قال شكرا .
قالت الى كان عندك شي سؤال سولني وماتحشمش الى كنت عارفة غادى نجاوبك .
قال واخا ربي يحفضك . ومشات .
ومشى عند زينب غير شافت في وجهو قالت باين رفضت
.قال كون غير رفضت غير وقفت قدامي وشفت فيها حسيت بالخوف وليت باغي نهرب وتكلمت ليها على صلاة المغرب مع الخوف .
زينب بدات كتموت بالضحك
وقالت في المرة الجايا .
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
