وفي الغد جاو الأستاذة.
دخلت عندها أستاذة اللغة الفرنسية تكلمت معاها
وشكرتها على نصيحتها
وقالت الأستاذة نعمة البنت أنتي الله يكثر من أمثالك وخرجت وهي كتبكي .
جاء ريان ودخل مع أمين عندها
قال ريان صباح الخير .
تبسمت مريم وقالت صباح النور
حيت ماقالش السلام عليكم عرفت انه ما أمنش بالله سبحانه .
وقالت ليه شنو لي خلاك لي حد الان ماتكونش مؤمن بالله .
تفاجأ من انها عرفاتو انه ما أمنش وقال انا كناخد الأمور بالعقل .
قالت العقل يصيب أحياناً ويخطئ أحياناً اوكي نتكلمو بالعقل.
مثلا حكام النازية قتلو أكثر من 19 مليون إنسان
و حكام الشيوعية قتلو أكثر من 190 مليون إنسان
وعاشو حكام النازيين والشيوعيين وماتو .
واش ماكتشوفش بالعقل انه خاص هاد الضالمين ياخدو الجزاء ديالهم .
وان الناس الصالحين ياخدو الجوائز على صلاحهم .
من عدل الله سبحانه انه كاين يوم القيامة
باش كل واحد ياخد لي كيستاهل الجنة او النار .
قال ريان عندي ليك بعض الأسئلة .
قالت انت كتشوف أني كنتكلم بصعوبة بحكم المرض
انا ماقدراش نجاوب على الأسئلة ديالك
خليني نقول ليك كلام ربما تكون هادي اخر مرة نتكلم معاك فيها .
قال ريان قولي انا كنسمع .
قالت مريم كان الإمام أحمد بن حنبل كيتكلم مع ناس هوما على الباطل
وقال ليهم بيننا وبينكم يوم الجنائز .
يعني لي على الحق غادي يكونو الناس في الجنازة ديالو بزاف .
لي مات منهم كيجيو الناس قلال في الجنازة ديالو .
وملي مات أحمد بن حنبل كانت الجنازة ديالو أكبر جنازة في التاريخ الإسلامي الى ذالك الوقت .
انا ماكنقولش اني إنسانة صالحة ولكن عارفة أني على الحق
واش تواعدني اني ملي نموت والى جيتي الجنازة ديالي ولقيتي الناس بزاف تعرف أني على الحق وتأمن بالله .
بقى كيشوف فيها
وقال مانواعدكش وتم غادي خارج
قالت مريم على كل حال شكرا لك على التعليم ديالك لينا وشكرا على الزيارة .
تأثر بي أدبها رغم رفضه لكلامها ودار لعندها
وقال انا كنواعدك .
مريم فرحت .
وكمل كلامو قال انتي أفضل بنت عرفت في حياتي من كل قلبي نتمنى يكونو بحالك بزاف ومشى .
قال أمين لمريم والى ماجاوش الناس في الجنازة بزاف .
تبسمت وقالت ماغديش يهمني الامر حيت ديك الساعة غادى نكون ميتة .
تبسم حتى هو.
وقالت مريم نعم الزوج انت يا أمين من اجمل أيام حياتي هاد الايام لي كندوزهم معاك .
قال والله الى كنحس بالشرف كل مرة نسمع شي حد قال هذا راجل مريم .
قالت شكرا ليك على كلشي .
قال نخليك ترتاحي وخرج .
قالت مريم دعاء (ربي انت أعلم بي منهم اللهم لا تؤاخذني بما يقولون ، واجعلني خيرا مما يظنون ، واغفر لي ما لا يعلمون).
بعد أسبوع في صباح يوم الجمعة ناض أمين يصلي الفجر في لكلينيك ودخل عند مريم فيقها ناضت صلاة الفجر في السرير ديالها وبعد ساعة من صلاتها ماتت.
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
