في الغد مشى أمين مع ماماه لمدرسة
وكانت مريم كدير الدرس
دخل امين للقاعة هو وماماه .
وهو داخل شافتو فرحت وسكتت .
وأشار بيديه كملي .
وهي تبدى تكلم .
والام ديال أمين كتسمع فيها عجبها كلامها .
وقالت بشويا لي أمين تبارك الله هاد لبنت زين والعلم .
كملت مريم الدرس وجات عند أمين وهي فرحانة
وقالت كنت عارفة انك غادي ترجع لمدرسة .
قال امين أهلا مريم
وأشار بيديه لي امه وقال لي مريم هادي ماما .
مريم سلمت عليها وبداو كيتكلمو
وقالت الأم سمعت ليك أبنتي تبارك الله عليك.
قالت مريم انا فرحانة انك سمعتي ليا وفرحانة ان ولدك رجع لمدرسة وكنشكرك على التربية ديالك ليه .
قالت الأم في نفسها حتى عرفك عاد وليت كنشوفو أفضل .
وقالت ليها الشكر ليك أبنتي وانا كنشكر الام ديالك على التربية لي رباتك .
رجع أمين لدار مع ماماه
وقالت الام هاد البنت عندها أسلوب زوين ممكن تقنع باباك مايبقاش يسكر ويرجع لطريق الله.
قال أمين غادي نتكلم معاها الى قبلت .
وفي العشية أمين مشى لمدرسة وتلقى مع مريم جلسو في الساحة .
قالت مريم باباك هو منصف.
أمين تبسم
وقالت إدن انت إبن مليونير .
اشار برأسه اه وقال وهو كيشرب الخمر كيف قلتي ديك المرة وبدى يضحك .
حتى هي ضحكت
وقالت الله يهديه مع انك انت ساكن في مكان راقي فأنت إنسان شعبي وطريقة كلامك ديال الأحياء شعبية .
قال اه ملي كنت صغير دخلني الأب ديالي لمدرسة عمومية وقال ليا خاصني نكون حربي واني نعيط عليه بي لواليد او منصف ومنقولش بابا .
قريت الإبتدائي فيها كامل هداك الشي علاش عندي ضعف في اللغات الأجنبية .
ملي وصلت الى الإعدادية عاد دخلني للمؤسسة الخصوصية
وماكنتش مهتم بالدراسة
والأب ديالي اصلا ماباغنيش نقرى غير الأم ديالي لي بغاتني نكمل نقرى .
قالت مريم أفضل انك بقيتي تقرى .
قال امين الأم ديالي بغاتك تنصحي لوليد باش يرجع لطريق الله ومايبقاش يسكر شنو رأيك .
قالت مريم الهداية من الله سبحانه .
قال أمين اه فعلا انتي غير تكلمي معاه ربما يهديه ربي على يديك.
قالت مريم إن شاء الله.
قال امين غادي نصوني على لوليدة وهي غادى تجي تديك في السيارة لدار في العشية الى كان ممكن .
قالت مريم واخا إن شاء الله .
وصلت لعشية وجات مريم مع ام أمين لدار دخلو وريحو .
وبداو كيتكلمو .
وهو يجي الأب شاف مريم تفاجأ
سلم عليهم وقال مرحبا بيك أبنتي الدار دارك.
قالت مريم بارك الله فيك أ عمي .
قال الاب قولي ليا أبنتي غير منصف بلى عمي .
قالت مريم مانقدرش نقول غير الإسم ديالك .
قال تبارك الله عليك نعم التربية وجلس معاهم .
بداو كيتكلمو
وقالت الام انتي أبنتي كديري الدروس ممكن ديري لينا شي درس قصير نتدكرو بيه أخرتنا .
قالت مريم الى قبل عمي.
قال الاب شكون ابنتي لي مايبغيش يسمع كلام الله ورسوله عليه الصلاة والسلام.
بدأت مريم كتكلم على حقارة الدنيا ومن لكلام لي قالت
أن الإنسان الى عاش 1000 سنة ملك وفي النعيم .
ومات و دخلوه غير يوم واحد في القبر ديالو ينسى كاع ديك 1000 سنة لي عاش في النعيم.
والمشكل اننا مايمكنش نعيشو 1000 سنة.
وكملت كلامها قالت جاء رجل عند الفضيل إبن عياض
وقال إنصحني قال الفضيل شحال في عمرك.
قال الرجل 60 سنة
قال الفضيل 60 سنة وانت غادي عند الله سبحانه قربتي توصل.
قال الرجل وشنو المعمول
قال الفضيل أصلح في هاد الشي لي بقى يغفر ليك الله هداك الشي لي فات .
وقالت مريم المشكلة ديالنا ماشي في الأعوام لي فاتو
المشكل في الوقت لي جاي واش غادي نرجعو الله سبحانه أو غادي نستمروا على نفس الأغلاط ديالنا .
وزادت وتكلمت شويا وحبست شافت فيهم كلهم متأثرين من كلامها.
قال الاب وهو مأثر تبارك الله عليك أبنتي وناض مشى لبيت ديالو .
قالت الام تبارك الله عليك أبنتي بغيتك تأثري فيه بكلامك ساعة كاملين تاثرنا .
قالت مريم الله يهدينا جميعا .وبقاو كيتكلمو وداتها أم أمين في السيارة لدارها وشكرتها
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
