جلس امين حدا شخص في الاربعين من العمر.
سلم أمين عليه .
رد الرجل السلام .
وبقاو ساكتين .
وهو يتكلم الرجل وقال واش انت كزاوي .
قال امين أه وانت .
قال الرجل من أكادير إذن انت رجاوي أو ودادي .
قال أمين انا ماعنديش مع الكورة ولكن كنحب فريق الجديدة حيت الوليد من الجديدة .
قال الرجل غريب كزاوي ومعندكش مع الكورة .
بقاو كيتكلمو وقال الرجل انه مسؤول عن طعام السفراء والسياسين ملي كيجيو لشي مؤتمر في المغرب .
امين رتاح ليه وعرف ان الاسم ديالو عادل وبغي ياخد النصيحة من عندو
وقال أمين السي عادل قالت ليا الام واحد النهار الى بغيتي النصيحة خودها من عند مسافر وانت تبارك الله كتسافر بزاف بحكم عملك .
تبسم عادل وقال الى كان بإستطاعتي نصحك علاش لا.
قال أمين انا باغي نتزوج من بنت وهي مريضة بسرطان الدم وقال الطبيب انها 3 أشهر أو 4وتموت لأن المرض في أواخره .
قال عادل علاش انت باغي تتزوج بيها.
قال أمين هي إنسانة متميزة ومتدينة وأكيد جميلة .
قال عادل قال ليا الاب ديالي
انه كان عندو صديق ديالو مريض بالسرطان
قال ليه الطبيب بعد 6 أشهر غادي تموت
بقى عايش 27 سنة من بعد كلام الطبيب وضربتو سيارة ومات
لايعلم الغيب الى الله سبحانه
أمين الى كنتي باغي لبنت في لحلال سير توكل على الله وتزوج بيها .
قال أمين والى طلع كلام طبيب صحيح وبعد 4 أشهر ماتت .
تبسم عادل وقال حتى انت غادي تموت
وانا غادي نموت
حنا دابا غادين لطنجة واش ضامنين راسنا غادين نوصلو ليها
دار عادل وبقى يشوف في النافدة ديال لكار وسكت شويا
وقال ان تحصل على ماتحب وتفقده أفضل من الا تحصل على شيء .
أمين عجبو كلامو وإقتنع بيه بسرعة وشكرو .
وصل أمين الملفات
ورجع وقال لوالديه أنه قرر يتزوج بمريم وهو لي كيتحمل قراره .
في الغد مشى أمين عند مريم .
قال مريم انا عارف انك فقط بسبب مرضك مابغاش توافقي على الزواج .
قالت انا ماكنفكرش في الزواج.
قال انتي إنسانة متدينة والزواج نصف الدين علاش ماكتفكريش فيه .
نزلت الدمعة من عينيها
وقالت حتى وإن تزوجت بيك ماغداش تكون حياتك كاملة
مع إنسانة كتعاني وفي الأواخر ديالها .
قال انا قبل مانعرفك كنت ماعندي حياة
والان ان كنحس اني عندي حياة
عارف ان حياتي معاك ماغداش تكون متكاملة ولكن على الأقل كتسمى حياة .
قالت مريم عفاك أخويا أمين خليني في راحتي ونعيش مابقى ليا في سلام .
حس أمين بالفشل وعرف انها متمسكة بقرارها
وقال نقول ليك اخر كلام ونخليك في راحتك ومعمرك تشوفيني في هاد المؤسسة
إلى كنتي كتأمني بأن الله سبحانه هو الدي يُحيي ويُميت
وانه لايعلم أجل الإنسان الى الله وافقي على الزواج بي ملي نجي انا ودارنا نهار الجمعة بالليل لداركم
والا كانتي كتسمعي فقط لكلام الطبيب ملي نجي مع دارنا ماتوافقيش وغادي نرجعو لدارنا كأنه ما كان والو ومشى .
مريم بقات كتبكي
وقالت في نفسها انا مؤمنة بما قال ربي ولكن لا زواج .
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
