خرجو التلاميذ.
ومشى أمين عند المدير
سلم عليه وريح معاه
قال أمين كنت كنتفكر مع التلاميذ شي أحداث وقعو ليا معاك كان لعقل طايش وباس ليه راسو وقال ليه سمح ليا .
قال المدير الله يرضي عليك أولدي هداك الشي داز ماشي مشكل.
في الغد جاء الأستاذ أمين الى القسم
وقال قبل مانبدا الجزء الثاني من القصة شنو إستفدتو من القصة .
قالت سميرة انا إستفدت انه خاصنا ندافعوا في أي وقت على الدين ديالنا واخا غير بمقولة قريناها في الفايس بوك .
أمين ضحك
وقال مزيان في هاد الحصة غادي نحاول نكمل القصة .
بدا القصة وقال
ملي رجع أمين للبيت من بعد مامشاو لبنات .
بقى جالس وكيتفكر ملي شاف مريم كتبكي وقالت ليه رجع لي أجل الأخوة لي بيناتنا.
في هاد اللحضة دخلت الام ومابانش ليها أمين .
مشات لعندو للبيت وجلست كتكلم معاه
وقالت ملي كنتي صغير كنت غضبت من باباك
ومشيت لدارنا وقررت أني ماعمري نرجع لباباك .
وصلت لدارنا سلمت عليهم وريحت مع جدك وقلت ليه اني مابقيتش باغا نبقى مع منصف وقررت اني نطلق منو .
جدك تبسم .
أنا تعجبت انا باغا نطلق وهو كيتبسم.
وقال شنو لمشكل .
قلت ليه المشكل .
قال من بعد 3 أيام غادي نمشي معاك باش تطلقي ومشى عند جداك وخلاتك
قال ليهم يخرجو معايا ويتهلاو فيا في هاد اليومين .
دارو هداك الشي لي قال ليهم .
وفي اليوم الثالث جاء عندي جدك
وقال ياله أبنتي باش طلبي طلاقك .
أنا بقيت ساكتة .
وعرفت اني غيرت الرأي ديالي
تبسم وقال شوفي أبنتي ملي جيتي لعندنا كنتي كتكلمي ونتي معصبة
فعرفت انك مدفوعة من طرف الغضب ديالك
وقلت ليك حتى دوز 3 أيام غير باش ترتاحي ربما يتغير رأيك والحمد الله كانت الامور مزيانة .
سمعي أبنتي ماعمرك تاخدي قرار وانتي في قمة الغضب راه يمشي الغضب وتندمي على قرارك .
ومعمرك تعطي وعد وانتي سعيدة .
راه تمشي السعادة وتندمي على وعدك .
وقالت الام لي أمين انا الان أفضل .
لكن كون طلقت العالم الله شنو غادي يكون .
رجع أولدي أمين لمدرستك باقي ليك غير عام فيها .
قال أمين واخا غادي نرجع .
تبسمت الأم وقالت ومتنساش البنت لي قال باباك را باغا نشوفها.
قال كنت هي وصاحبتها قبل ماتجي نتي لدار .
قالت الام واو ماعندي زهر .
قال أمين في الغد إن شاء الله غادى تشوفيها .
أنت تقرأ
أكيد سنلتقي (بالدارجة المغربية)🇲🇦🇲🇦
Espiritualشاب شارب للخمر ومن اسرة غنية يتعلق بي شابة ملتزمة .
