قال امين بغيث نقول لك واحد لكلام .
قالت زينب واش مولف كتاخد الإذن مني في لكلام .
قال هاد البنت كتعجبني.
قالت وهي تضحك من نيتك .
قال اه بصح .
قالت انت ياله سليتي المشكل ديالك مع نسرين ونزيدك هادي راها ماشي من داك النوع لكتعرف .
حس أمين بالإحتقار منها ومبغاش يبين ليها
وقال انا باغي نتزوج ونجمع راسي .
قالت انت باغي تزوج نفس لكلام قلتيه لنسرين
ومن قبل قلتيه لسناء وزيد وزيد أمين لعب بعيد سيدة ماتليقش ليك
في الليل ملي انت كتكون كتشرب مع باباك والمزيكا خدامة
هي كتكون كتقوم الليل بالصلاة والقرآن.
شعر بالغضب
وقال حتى نتي ماشي من صنفها ولى صليتي أسبوع
وليتي كتضني راسك من المبشرين بالجنة
غير مؤخرا كنت كنجيب ليك الإكسطا(قرقوبي ) بيدي
صافي بزربة وليت انا سكيْري ومانسواش.
قالت سمحلي انا ماقصدتش نطلع ليك الدم .
قال اوكي ماشي مشكل.
قالت إلى بعدتي على البلية وجمعتي راسك فعلا
غادى نوقف معاك وندير لي فجهدي باش نشوفكم مزوجين.
تبسم وقال هادي هي أختي زينب لِكنعرف.
قالت التلاميذ دخلو لقسم حتى لمن بعد ونتكلمو ومشات .
دازت 3 أيام وشاف عوتاني أمين التلاميذ مجموعين
وعرف أن مريم كتكلمهم على الدين
قرب ليهم وهو يسمعها كتكلم عن التواضع.
وقالت قال رسول اللَّه صَلّى اللهُ عَلَيْهِ وسَلَّم: إِن اللَّه أَوحَى إِليَّ أَنْ تَواضَعُوا حتى لا يَفْخَرَ أَحَدٌ عَلى أَحدٍ، ولا يَبغِيَ أَحَدٌ على أَحَدٍ.
وقال صلى الله عليه ومَا تَوَاضَعَ أَحَدٌ للَّهِ إِلاَّ رَفَعَهُ اللَّهُ .
وقالت ويقال عند العرب بقدر ما يكون مقام المرء رفيعا بقدر ما يتعين عليه أن يبدو متواضعا.
بقى أمين كيسمع حتى كملت ومشى كل واحد للقسم ديالو.
والمدير وصلو الخبر انها عوتاني جمعت التلاميذ
رسل ليها الحارس العام باش تجي لمكتب وجات.
قال المدير أبنتي راه ممنوع تجمعات بحال لي كديري .
قالت انا ماعرفاش وحتى حد ما قال ليا انه ممنوع.
ياله بغى يقول اني كنت جاي نقولها ليك ومنعني أمين وهو يقول في نفسو غادي نطيح من قيمتي.
وقال ليها هانتي أبنتي عرفتي.
قالت ما يكون غير خاطرك السي حسن.
ورجعت للقسم وهي محبطة.
شافتها صحبتها زينب قالت ليها مالك مقلقة.
قالت منعوني من الدعوة إلى الله لي كندير في الساحة .
في نفس اللحظة زينب جاء في بالها أمين وهي تبسم وقالت غادى تدعي إلى الله غير صبري.
قالت مريم كيفاش.
قالت زينب بلى سؤلات انا عارفة إن شاء الله ما يكون غير الخير.
أنت تقرأ
أكيد سنلتقي (بالدارجة المغربية)🇲🇦🇲🇦
Espiritualشاب شارب للخمر ومن اسرة غنية يتعلق بي شابة ملتزمة .
