إتصلت زينب بمريم
وقالت ليها ان المدير قال ليك القاعة 3 بقاي ديري فيها الدرس .
مريم فرحت وشكرت زينب وبلى ماتعرف ان أمين هو لِتدخل.
في الغد دارت مريم الدرس في القاعة جاو التلاميذ قلال ومجاش أمين باش مايكونش فيه الشك على تدخله .
وفي اليوم الثالث دخل أمين للقاعة
كانت مريم كتكلم على طلب العلم
وقالت قال رسول الله صلى الله عليه وسلم إذا مات ابن آدم أنقطع عمله إلا من ثلاث: صدقة جارية، أو علم ينتفع به، أو ولد صالح يدعو له .
العلم يبقى يخدمك حتى بعد موتك وتأخد الأجر وانت في قبرك
الان عندما نتكلم عن أحد الأئمة الأربعة او غيرهم كندعيو معاه وهو في قبرو وكيوصلو الأجر وهو مات أكثر من ألف سنة بفضل علمه .
ويقال من أراد الدنيا فعليه بالعلم ومن أراد الآخره فعليه بالعلم ومن أراد الإثنان معاً فعليه بالعلم ونقصد بالعلم .
العلم الشرعي .
إنتهى كلامها وتمت خارجة
وهو يمشي عندها أمين
وقال السلام عليكم .
قالت عليكم السلام شافت فيه وقالت أمين ياك .
تبسم وقال اه شكرا ليك كتعلمينا الدين ديالنا.
قالت شكرا ليكم نتوما ليكتجيو تصنتو لدروس .
قال يمكن تقولي ليا بعض الكتب باش نتعلم الدين أكثر .
قالت انا غادى نجيب ليك شي كتب للمبتدئين في طلب العلم في الغد إن شاء الله .
عجبو لحال وقال شكرا .
ومشى كل واحد للقسم ديالو .
في الغد مريم جايا لقات أمين كيتسنى فيها .
غير شافها جاء عندها وقال صباح الخير .
قالت امين قول السلام عليكم ومن بعد قول صباح الخير او لِبغيتي .
قال السلام عليكم صباح الخير.
قالت عليكم السلام صباح النور هاك لكتب لي قلت ليك لبارح .
قال شكرا بزاف .
قالت ملي تقراهم نجيب ليك كتب أخرى .
قال اه ربي يحفظك بغيت نسولك .
قالت وي سول .
قال واش مزال غاضبة عليا من الفعل ديالي في مروكو مول.
تبسمت وقالت لا انا نسيت داك الامر وكلنا كنخطأو غير مخصناش نُكررْ نفس الخطأ ديالنا .
قال كلامك صحيح .
ومشات للقسم .
ومشى حتى هو .
وملي رجع لدار جبد الكتب وبدى يقرى عجبو لحال وبقى يقرى حتى لمنتصف الليل ونعس في بلاصتو لِكيقرى فيها مع العياء .
وفي الغد ملي رجع من المدرسة بقى يقرى حتى كمل الكتب لِعطاتو مريم .
وفي الليل جاب الاب ديالو شراب وشرب أمين معاه .
وفي الغد مشى عند مريم جاب ليها الكتب.
قال ليها هادو راه قريتهم.
قالت وهي مستغربة تبارك الله عليك بزربة قريتيهم
خليهم ليك انا راه عطيتهم ليك وفي الغد إن شاء الله غادى نجيب ليك وحدين أخرين .
قال غير خليهم ليك تقرايهم
قالت انا حافظة هاد الشي لي فيهم ملي كانت عندي 12 سنة.
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
