ملي رجعت الام لدار تكلمت مع أمين
وقالت ليه تكلم أ ولدي مع مريم على الزواج
والى وافقت نمشيو نخطبوها ليك ووقت مابغيتو ديرو العرس ها حنا موجودين .
قال أمين إن شاء الله .
داز أسبوع الاب ديال أمين مابقاش كيسكر و ورجع كيصلي.
ومشى الأب مع أمين عند مريم.
تلاقا معاها وقال أبنتي مانساش خيرك
ملي تكلمتي لينا على الدين .
وانا دابا جيت باش نشري ليك كادو او أي طلب بغيتي وقبلي مني انا بحال باباك.
تبسمت مريم وقالت بلاش أعمي .
قال والله حتى تقولي .
قالت مريم أعمي هنا في المؤسسة كيخلصو لعام كامل في بداية الموسم الدراسي
واي واحد خرج من المؤسسة او مات
ماكيرجعوش ليه فلوس شهورا لي ماقراش
وهاد الشي ماشي من حق المؤسسة.
طلبي انه يبقى يتخلص كل شهر لوحده .
قال الاب واخا مايكون غير خاطرك وقولي شي طلب كيخصك نتي .
قالت اما طلبي انا
هنا في المؤسسة تبارك الله كيقرى أكثر من 2500 ديال التلاميذ
وكاين تلاميذ متفوقين وماعندهمش باش يقراو في المدارس الخصوصية
الى كان ممكن تدير حوالي 20 واحد يقراو بدون مقابل ويكون إن شاء الله هاد العمل في ميزان حسناتك .
تبسم وقال مرحبا انا موافق ولكن فيناهو طلبك الشخصي .
قالت غير هاد الشي والله يكثر خيرك .
قال اوكي لي بغيتي أبنتي .
ومشى مع أمين .
وفي الطريق قال الاب لي امين فين أولدي تلقى بحال هاد الناس كل همها هو الخير في الناس والدين ديالها .
قال أمين اه أ لوليد هاد الإنسانة الله يعمرها دار .
قال الاب تكلم معاها أولدي على الزواج .
قال الاب في الغد إن شاء الله .
في الليل مشى أمين في السيارة للمسجد لي فيه أب مريم إمام
صلى صلاة العشاء في الصف الاول وغير خرجو المصلين .
مشى أمين عند اب مريم سلم عليه
وقال الاب مرحبا بولدي أمين .
قال أمين جيت أعمي نطلب منك السماحة .
إستغرب اب مريم وقال علاش أولدي .
قال أمين ملي جيت لدارك وقلت ان زينب ختي .
زينب ختي غير في الإسلام هي غير كتقرى معايا في نفس المؤسسة .
قال الاب وعلاش كدبتي .
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
