في الغد دخل أمين عند أستاذة اللغة الفرنسية.
ملي كملت الحصة خرجو التلاميذ
وبقى معطل أمين
وهو يتم خارج وشاف الأستاذة ماغداش تخرج لقاعة الأساتذة
بغى يسولها وهو يشوفها كتبكي
خرج لساحة لقى مريم
وقال ليها شفت الأستاذة اللغة الفرنسية كتبكي غير بوحدها
واش ممكن تمشي عندها وتشوفي مالها ربما محتاجة للمساعدة .
قالت واخا ومشات لعندها
دقت لباب
والأستاذة بدات كتمسح دموعها بزربة وقالت دخلي .
دخلت مريم
وقالت مالك أ استاذة .
قالت الأستاذة ماكاين والو أ بنتي غير أمور بسيطة .
قالت مريم أنا عارفة ان المرأة كتبكي على أمور لاتستحق البكاء
راه حتى انا منهن ولكن مدام انك بكيتي في القسم فهدا أمر مهم عندك
أنا جيت نساعدك إلى قدرت والى ماقدرتش على الأقل نفوج عليك بالكلام معايا .
قالت الأستاذة ربي يحفضك أ بنتي .
قالت مريم ملي قلتي بنتي لازم الأم تقول الأمر لي خلاها تبكي لبنتها .
قالت الأستاذة عندي ولد واحد وبغى يمشي يقرى في أكادير
حيت التخصص لي داير كاين فقط في طنجة وأكادير هو قرر يمشي لي أكادير .
قالت مريم خاليه يمشي .
قالت الأستاذة راه صعب أبنتي يكون معمر عليك شي حد الدار وفجأة يخويها .
قالت مريم والأصعب ان لواحد يكون معمر عليك الدنيا كلها وفجأة يخويها .
قالت الأستاذة مفهمتش.
قالت مريم كانت معايا جدتي مكنتفرقش معاها ملي كنكون في الدار
وكنت كنقول في نفسي أني منقدرش نفرقها وبعد مدة ماتت
وحزنت عليها مدة قصيرة
وتعايشت مع الأمر وعرفت أن كل الحزن والألم كيمشيو فقط الإنسان يرضى بما كتبه الله له .
انا دابا قدامك
يمكن نجلس في الطاولة ونبقى نبكي على جدتي
لكن باش غادي يفيدني دالك .
قربت ليها مريم وقالت بصوت ضعيف وحزين
وهي كتشوف في عينيها على الأقل أنتي إبنك باقي معاك وموضعتيهش تحت التراب كيفما أنا مع جدتي .
شافت الأستاذة الألم لي في عينين مريم
وقالت سمحي ليا أ بنتي ماعرفتش هاد الشي لي واقع ليك .
قالت مريم وهي تتبسم الأمر عادي
اما ولدك الأن ولاو مواقع التواصل يمكن تكلمي معاه فيديو في أي وقت كأنه في المنزل معاك .
قالت الأستاذة شكرا أبنتي بزاف انا الان كنحس بالراحة ملي تكلمت معاك
قولي ليا شكون لي قال ليك اني في لقسم كنبكي .
قالت مريم أمين .
تعجأت الأستاذة
وقالت أمين معرفتش أش جاه حتى بقيت فيه .
وفين كتعرفيه أ مريم .
قالت مريم كيحضر لدروس الدينية لي كندير
وهو إنسان طيب ماعرفتش علاش كلشي هنا كياخد عليه نضرة خايبة .
قالت الأستاذة فعلا أمين شاب طيب
وفي الأواخر ولى كيهتم بقرايتو
كنضن أنتي السبب يا مريم .
قالت مريم انا مادرت والو ومشات
وهي غادى قالت الأستاذة في نفسها لو كان أمين ولدي لزوجتو ليك .
خرجو من المدرسة لقات الأستاذة أمين غادي يركب في السيارة ديالو
قالت أمين شكرا ليك حيت صيفطتي ليا مريم .
قال انا ماصيفطت ليك حتى حد.
قالت هي قالت ليا انك صيفطتيها .
امين انت إنسان طيب ولكن كتبغي تضاهر على انك إنسان قاسي .
شاف فيها بلطافة ومتكلمش .
قالت عرفتي شنو قالت عليك مريم .
قال امين شنو قالت .
قالت أمين إنسان طيب ماعرفتش علاش الناس معندهمش معاه .
قال بصح قالتها .
قالت اه بصح شوف أ امين من كلامك باين انك كتبغي هاد لبنت
وهي تستاهل سير توكل على الله وتزوج بيها راه الوقت كيدوز .
أمين بقى ساكت والأستاذة مشات .
أنت تقرأ
أكيد سنلتقي (بالدارجة المغربية)🇲🇦🇲🇦
Spiritualشاب شارب للخمر ومن اسرة غنية يتعلق بي شابة ملتزمة .
