وصل للمؤسسة الخصوصية الثانوية لي كيدرس فيه التربية الإسلامية .
غادي لقسم قالت تلميذة عندو صباح الخير أستاذ أمين .
شاف فيها وقال إكرام كل مرة كنقول ليك قولي السلام عليكم عاد من بعدها قولي صباح الخير أو لي حبيتي.
ضحكت وقالت نسيت السلام عليكم أستاذ أمين .
قال عليكم السلام .
قالت خاصني ورقت الدخول .
قال بلا كذوب علاش غيبتي .
قالت غير تأخرت ولقيت الباب مسدود.
قال أوكي صدقتك سيري بزربة عند سي مصطفى وقولي ليه قالك أمين عطيني ورقة وإلى مابغاش قولي ليه صوني عليا من لفيكس .
مشات إكرام قالت السلام سي مصطفى قال ليك أمين عطيني ورقة الدخول.
قال مصطفى عوتاني واش الاب ديالك هو أمين جيبي باباك .
قالت بغضب صوني عليه إلى مصدقتيش .
قال صافي صافي قولي الإسم الكامل .
عطاها لورقة ومشات لقسم دخلت .
بدأ أمين الدرس وملي كملت الحصة .
خرج امين إلى المكان المخصص لجلوس الأساتذة .
تبعاتو إكرام وقالت أستاذ هو يوقف ودار لعندها
وقال وي إكرام.
قالت ملي قلت لمصطفى الحارس العام
قالك أمين عطيني ورقة
قال ليا واش أمين باك جيبي الاب ديالك .
أمين ماعجبوش لحال ومشى لعندو لمكتب سلم عليه.
قال مصطفى مرحبا سي أمين .
قال امين ربي يحفضك سي مصطفى لبنت لي صيفطت ليك الاب ديالها مطلق الأم ديالها
وهي عايشة غير مع الأم ديالها والأم ديالها كتخدم معندهاش لوقت
والتلميذة مجتهدة خاصنا نوقفو أكثر مع لي باغين يقراو وهي من لعشرين تلميذ لي كيقراو فابور عندهم ضروف خاصة.
وهذا عمل جيد من هاد المؤسسة
مصطفى عامل التلاميذ بي لطافة حنا هنا عائلة كبيرة .
قال مصطفى ما يكون غير خاطرك أ سي أمين .
قال أمين ويكون خاطرك حتى انت نخليك ربي يسهل عليك .
رجع أمين للقسم بدون ما يدخل لقاعة الاساتذة.
داز اليوم وجات الحصة عند أمين بدأ الدرس .
كان أمين كيدرس نصف الحصة من المقرر والنصف الثاني كيدير دروس فيها قصص الأنبياء والصحابة والأدب وكيعلمهم دينهم أكثر وكيقول أن التربية الإسلامية ليست كباقي المواد هي دينكم.
وتنفعكم في الدنيا والآخرة.
إنتهى النصف الأول وبدأ النصف الثاني من الحصة .
قال أمين يوسف غادي نسولك شكون الخليفة الخامس حقيقةً.
قال يوسف الحسن بن علي رضي الله عنهم.
قال أمين أحسنت عقلتي أ يوسف باش سولتك على الخلفاء الراشدين ودخلتي معاهم عبد الكريم الخطابي
بدأ يوسف كيضحك وقال اه بفضل الله ثم انت تعلمنا أكثر الدين ديالنا .
قال أمين الحمد لله شكون الخليفة الخامس لي كيقلوها العلماء وهو ليس صحابي جاوبي أ ياسمين .
قالت عمر بن عبد العزيز أشج بني أمية .
قال أمين مزيان ليوما غادي نتكلمو شويا على بنات شعيب الرجل الصالح في زمن موسى صلى الله عليه وسلم.
