أكيد سنلتقي (بالدارجة المغربية)🇲🇦🇲🇦

الجزء 23

ومشاو لعندو صوناو عليه في الدار .

خرج شاف مريم تفاجأ  سلم عليهم ودخلهم.

مريم دخلت وبقات كتشوف لفيلا وسقف ديالها وهي مبهورة بجمالها

وقالت اللهم لاعيش إلى عيش الآخرة.

جاب أمين ليهم القهوة والحلوة .

بقاو كيتكلمو

وقالت مريم أمين رجع كمل قرايتك علاش ماباغيش تقرى على الأقل شد الباك ديالك .

قال امين اختي مريم جاني لملل
غادي نرتاح هاد لعام وحتى لعام الجاي ونرجع نقرى .

قالت وعلاش تضيع عام من حياتك .

قال انا حياتي كلها ضايعة باقي غير عام نتي أ مريم ختي

ومتفهم انك باغاني نقرى
أنا كنشكرك على كل شيء خليني انا والقرار ديالي .

عرفت مريم انها مايمكنش تقنعو

وقالت عرفت من زينب انك انت الشخص لي تدخل ليا

باش نتقبل في المؤسسة وباش ندير الدروس في لقاعة 3  وانك ولد منصف صاحب المؤسسة .

أمين تفاجأ وشاف في زينب حيت عرف هي لي قالت ليها هاد الشي 

وقال انتي تستاهلي أكثر من هاد الشي .

قالت ربي يسر ليك الأمور ديالك.

وناضو باش يمشيو بقى غادي معاهم أمين لباب ديال لفيلا .

مريم ملي ماقالش ليهم أمين نوصلكم كيف العادة عرفاتو انه مدمر وبقات كتمشى والدموع في عينيها.

حيث غادى تفقد شخص طيب حتى وصلهم لباب وشكرهم على الزيارة ديالهم

شاف في مريم بانت ليه الدموع في عينيها تأثر وماقدرش يبقى يشوف فيها ودور وجهو

وقالت مريم  بصوت ضعيف وحزين

عفاك أخويا أمين ما تهربش علينا من المؤسسة دير غير بوجه الأخوة لي بيناتنا انا وياك وزينب .

أمين الدمعة نزلت من عينيه

وقال بصوت حزين منقدرش نرجع أختي مريم ورجع للبيت ديالو وهو كيبكي .

وزينب عنقت مريم وبدات كتبكي معاها .

وقفت القصة هنا(الرجوع إلى 2019 ) .

في نفس اللحضة إنتهت حصة التربية الإسلامية

وبدى أمين كيجمع  اللوازم ديالو والحزن ظاهر عليه .

وقفت إكرام وقالت أستاذ عفاك كمل لينا القصة

وكل التلاميذ قالو كمل لينا أ استاذ القصة .

شاف فيهم امين وتبسم

وقال ملي كنكون داير الدرس وكتصوني الساعة

بلا مايكمل الدرس  واش شي حد فيكم

كيقول ليا كمل لينا أ أستاذ الدرس
ولا باغين غير القصص .

وبقاو التلاميذ كيضحكو .

وقالت إكرام دابا أ استاذ عندك الخاطر تعود لينا ربما مرة أخرى ماتكونش مرتاح ومتقول لينا والو .

قال امين إن شاء الله غادي نكملها ليكم .