وبان ليه أمين مدمر قال ليه ربما أولدي مامكتباش ليك هاد البنت .
أمين بقى ساكت ومشى لبيت ديالو .
في الغد أمين كان مع مريم كيتكلمو
وسولها وقال علاش ماتسببش ليك علاج السرطان من تساقط شعر الحاجب والرأس .
قالت لي كيتعالج بالكيماوي هو لي كيتساقط ليه الشعر
أنا كنتعالج بزرع الخلاية عن طريق الإبر
وهي تبسم وقالت كنت باغا نتزوج وندير وليدات ونعلمهم القرآن لكن الخير فيما إختاره الله وعسى أن تكرهو شيئا وهو خير لكم .
أمين ماتماكلش راسو والدمعة نزلت من عينيه .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شافت فيه مريم
وقالت مالك وهي عارف انه حزين لأجلها .
قال أمين والو وناض مشى.
وهو غادي بدات كتشوف فيه مريم وقالت في نفسها في حياتي ماشفت مثلك انت رجل مثالي بالنسبة لي
لكن للمرض شأن آخر وتبسمت وهزت راسها وبقات كاتشوف في السماء .
دازت 7 أيام وأمين كيمشي للمؤسسة وهو متألم .
وزينب مابقاتش كتجلس مع مريم حيث رفضت تجي لعرسها
فقط كتقول ليها السلام عن بعد وكتمشي .
أب أمين عطا رسالة لمدير المؤسسة فيها قوانين جديدة وفيها طلبات مريم
وان المدير يدير إعلان ان لخلاص فقط كل شهر
وان أي تلميذ مخلص العام بالإمكان الاب ديالو ياخد فلوس شهورا لي مزال مقراوهمش التلاميذ أو يبقى مخلص العام هو حر .
وطلب من المدير ان يدخل 20 تلميذ من الان بدون مقابل
تكون نقاط ديالهم مزيانة ومعندهمش الإمكانيات باش يقراو في لمؤسسات الخصوصية.
المدير علق الإعلان في الساحة
وكان معاه أمين وجات مريم قرات الإعلان وفرحت
وقالت أمين عفاك وصل شكري لباباك .
قال امين وخا .
دازت زينب قالت ليهم السلام ومشات .
أمين بقى كيشوف في زينب ومستغرب من تصرفها .
قالت مريم من ديك المرة وهي ماكتكلمش معايا فقط كتقول ليا السلام
وتبسمت مريم وقالت لكن الجميل في الأمر انها باقا كتحضر لدروس ديالي في القاعة 3 .
أمين غضب من تصرف زينب ومابينش لمريم غضبو
وقال لمريم مزيان انها كتحضر .
مشات مريم .
وأمين مشى كيجري عند زينب و وقفها
وقال بغضب مابقتيش كتكلمي معاها حيت ماغاداش تجي لعرسك
لي باقي ليه 6 شهور ماعرفنا واش نعيشو أو نموتو .
الناس كيعرضو على 400 واحد للعرس ماكيجيش أكثر من 60 واحد ومول العرس ماكيديرش هاد لحالة ديالك نتي .
قالت زينب مريم ماشي اي وحدة
واش كتعرف أن أهم يوم عند البنت هو نهار عرسها
وان مريم اهم إنسانة عندي وترفض تكون معايا في أهم يوم عندي بدون مبرر حتى لهاد الأمر انا مانقبلوش .
امين تزاد غضب من كلامها
وقال وبصوت مرتفع
واش كتعرفي على شكون كتكلمي
على إنسانة ردت لينا حياتنا الضائعة
انا وانتي كنا فقط حثالة قبل مانعرفو هاد الإنسانة
انا كنت غير الشراب ومكنعرفش ربي وشوفي حالك أنتي الأن تحسن للأفضل ملي جات لمؤسسة عاد ولينا كنقدرو الحياة وعاد ولينا بشر .
زينب تأثرت .
شافها تأثرت
قال بصوت ضعيف وحزين سمعي أختي زينب
مريم إنسانة طيبة وهي مايمكنش تجرح صحبتها الى أن يكون ضروف خلاتها ترفض تحضر للعرس او شي حاجة خاصة بيها مابغاتش تقولها زينب الى مابقاتش تكلم مريم مع حد فينا
راه حنا لي خاسرين إنسانة فاضلة.
ومشى أمين وخلاها واقفة .
في لعشية جاء أمين لمدرسة وشاف زينب معانقة مع مريم وكيضحكو تبسم ومشى لقسم ديالو .
