"မင်းတို့.. အမိန့်ကိုမမေ့ကြနဲ့"
"ဟုတ်"
"ဂျွန်မျိုးနွယ်ဝင်ကိုရှင်းပစ်ဖို့ ငါတို့ရဲ့ဆရာကငါတို့ကိုလက်လွှဲပေးထားတာ အရှက်ရအောင်မလုပ်ပဲစစ်ဆင်ရေးအောင်မြင်အောင်လုပ်ရမယ်"
အသက်အကြီးဆုံးဖြစ်ဟန်တူသူကအရှေ့ကအငယ်ငါးယောက်အားသေချာသတိပေးလိုက်၏။ ထိုလူမှာအခြားသူမဟုတ် ယန်ကျောင်းတော်မှသင်တန်းသား လီယော့ဖြစ်သည်။ သို့သော်ထိုငါးယောက်ကတော့ဒီအကြောင်းကိုသူ့လိုလေးနက်စွာအာရုံမစိုက်ပဲပေါ့ပေါ့တန်တန်ပင်နေနေကြသည်။
"ဆရာတူအကိုကလဲ စိတ်ပူရန်ကော။ အဲ့လက်တောက်လောက်လေးပဲရှိတဲ့ကလေးကိုကျွန်တော်တို့ကမနိုင်ပဲနေမလား"
"ငါကလဲမင်းတို့ကိုအထင်သေးတာမဟုတ်ဘူး။ သတိကြီးကြီးထားဖို့ပြောနေတာ ဒီစာမေးပွဲဖြေဆိုတဲ့အတွက်သူလဲငါတို့လိုပဲအခြေတည်အဆင့်ပဲဖြစ်မယ်"
"အခြေတည်အဆင့်ချင်းတူရင်တောင်ဒီငါးယောက်ကိုတော့မနိုင်လောက်ပါဘူး။ ဆရာတူအကိုကအရမ်းစေ့စပ်တတ်တာပဲ"
သူ့ရဲ့ဆရာတူညီတွေပေါ့ပေါ့နေလဲနေစရာပင်။ ထိုကလေးကမည်သို့ပင်တော်နေကာမူ အလွန်ဆုံးအခြေတည်အဆင့်၁သာရှိဦးမည်။ လီယော့ကယခုအခါ အခြေတည်အဆင့်၃သို့ရောက်ကာ အခြားသူတွေကအခြေတည်အဆင့်၁များ။ ဘယ်လိုနည်းနဲ့မှထိုကလေးကသူတို့လက်ထဲကမပြေးနိုင်။ တစ်ခုပဲ။ ဂျွန်ဂျောင်ကုရဲ့ဆရာဖြစ်သူကင်ဆော့ဂျင်ကသိုင်းပညာမှာအတော်ကျွမ်းကျင်၏။ သူ့ရဲ့ဂုဏ်သတင်းကတစ်တိုင်းပြည်လုံးကိုပင်ပြန့်နှံ့နေပြီဖြစ်သည်။ သူဘယ်လောက်တော်လဲမတော်လဲတော့ လီယော့မသိ။ သူ့တပည့်ရဲ့ဓားသိုင်းရည်ကိုကြည့်လျှင်တော့ဆရာဖြစ်သူရဲ့အရည်အချင်းကိုသိနိုင်မည်။
"အေး.. အကယ်၍များအဲ့ကောင်လေးကိုမင်းတို့မသတ်နိုင်ပဲလွတ်သွားရင်တော့ ဆရာနဲ့မတွေ့ခင် ငါ့ရဲ့အပြစ်ဒဏ်မင်းတို့ခံရမယ်"
"ဟုတ်ကဲ့!"
*လက်ရှိအခြေအနေ
"ဒီခွေးသားလေးကမြန်လိုက်တာ! ဘယ်ရောက်သွားပြီပလဲ!"
YOU ARE READING
ချယ်ရီရယ်ကိုယ်ရယ် မလိုမုန်းထားတဲ့သူတွေရယ်
FanfictionChinese Xianxiaတွေအရမ်းကြိုက်တော့လေဝတ္ထုကောင်းကောင်းတွေလိုက်ရှာရင်းနဲ့နောက်ဆုံးအားမလိုအားမရဖြစ်ပြီးကိုယ့်ဟာကိုယ်ပဲရေးလိုက်တော့တယ်ပေါ့နော် '3 OTPဖြစ်တဲ့KookJinကိုတော့အဓိကထားပြီးရေးထားပါတယ်။ စာဖတ်သူတွေစိတ်ကြိုက်ဖြစ်အတတ်နိုင်ဆုံးကြိုးစားရေးထားပါတယ်နော...
