ချယ်ရီရယ်ကိုယ်ရယ် မလိုမုန်းထားတဲ့သူတွေရယ်

3

ဂျွန်ဂျောင်ကု တစ်နေ့လုံးအဆောင်မပြန်ပဲအလေလိုက်နေ၏။ ကလဲ့စားချေမယ်ဆိုလျှင် ရန်သူရဲ့အခြေအနေကိုအရင်လေ့လာသင့်တယ်မလား။ လောလောဆယ်တော့ဒီအခြေအနေနဲ့ဆိုလျှင် တောင်ပေါ်မှဆင်းရတော့မည်။ ဒီရောက်နေတာတစ်ပတ်လောက်ကြာပြီဖြစ်သဖြင့်ဒဏ်ရာကလဲပျောက်တော့မည်။ ဆက်နေဖို့အကြောင်းပြချက်အားစဉ်းစားနေရ၏။ ဆရာများအားဖားယပ်ယပ်ရသည်ကအဆင်မပြေ။ သူ့အားအထင်သေးသလိုအကြည့်များကြောင့် စိတ်ရှိတိုင်းသာဆိုရင်ဂျွန်ဂျောင်ကုထထိုးမိမတတ်ပင်။ သို့သော်တကယ်တမ်းတိုက်လျှင်သူပဲရှုံးကာလင်ဖန်းဖန်တောင်ကနေခွေးကျကျမည်စိုးသဖြင့်ငြိမ်နေရ၏။ ညနေစောင်းသဖြင့်ရေခပ်ရန်ဂျွန်ဂျောင်ကုရေတွင်းဆီသို့လျှောက်သွားလိုက်သည်။ ခေါင်းဒဏ်ရာမှာတော်တော်သက်သာနေပြီဖြစ်သော်လဲ သူ့အားသနားကြအောင်ပတ်တီးတော့အမြဲစည်းထား၏။ ရေတွင်းသို့ရောက်သော်လဲသူရေမခပ်သေးပဲတရားထိုင်လိုက်သည်။ အားယားနေလျှင်တရားထိုင်လိုက်ကျင့်ကြံလိုက်လုပ်သဖြင့် ယခုတော့ကနဦးအဆင့်၂လောက်တော့ရောက်နေပြီဖြစ်၏။ ကနဦးအဆင့်၁၃ဆင့်ရှိရာမှာအဆင့်၆လောက်အထိကအသုံးမဝင်။ ကနဦးအဆင့်ပြီးလျှင် အခြေတည်အဆင့်ရောက်သွားမည်။ အခြေတည်အဆင့်ကအဆင့်၇ဆင့်ရှိ၏။ ကနဦးအဆင့်မှာတစ်ဆင့်နှင့်တစ်ဆင့်တက်ကလွယ်သော်လဲ အခြေတည်အဆင့်ကျခက်ခဲသွားသည်။ ကင်ဆော့ဂျင်က၂၂အရွယ်တည်းနဲ့အခြေတည်နောက်ဆုံးအဆင့်ရောက်နေပြီဆိုတာကတော့ချီးကျူးစရာပဲဟု ဂျွန်ဂျောင်ကုလက်ခံမိ၏။ သို့သော်သူ့လောက်တော့ဘယ်တော်မလဲ။ လွန်ခဲ့တဲ့နှစ်၅၀၀တုန်းကသူဆိုလျှင်၂၅နှစ်မှာတင်ရွှေအမြူတေအဆင့်၅ထိရောက်နေပြီဖြစ်သည်။ အခြေတည်အဆင့်ပြီးလျှင်ရွှေအမြူတေအဆင့်၅ဆင့်ရှိ၏။ ရွှေအမြူတေအဆင့်ပြီးလျှင်နောက်အဆင့်မှာနက်ရှိုင်းအဆင့်ရှိသေးသည်။ ထိုတွင်အဆင့်၄ဆင့်သာရှိရာထိုအဆင့်များကျော်လွန်ပါကနတ်ဘုရားအဆင့်သို့ရောက်ပြီဟုပြောနိုင်သည်။ အသက်လဲဆက်မကြီးတော့ပဲနှစ်ပေါင်းများစွာကြာအောင်ရှင်သန်နိုင်သည့်နောက်ဆုံးအဆင့်ရောက်သွားခြင်းပင်။ အခုအချိန်တွင်တော့အသက်ရှင်နေသည့်သိုင်းပညာရှင်ထဲတွင်ကျင့်စဉ်အမြင့်ဆုံးအဆင့်မှာနက်ရှိုင်းအဆင့်၂သာပေါ်ပေါက်သေး၏။ အရင်ခေတ်နှင့်စာလျှင်တော့ဒီအဆင့်မှာတော်တော်နိမ့်သည်။ ဒါကြောင့်လဲကင်ဆော့ဂျင်မှာအဖိုးတန်သားလေးဖြစ်နေ၏။ အားလုံးကလဲသူသာဆိုလျှင်နတ်ဘုရားအဆင့်ရောက်နိုင်သည်ဟုခန့်မှန်းကြလေသည်။ မိစ္ဆာလမ်းစဉ်တွင်တော့ထိုနတ်ဘုရားအဆင့်မရှိ။ မသေမျိုးအဆင့်သာရှိ၏။ မသေမျိုးအဆင့်၄ခုရှိကာဂျွန်ဂျောင်ကုမသေခင်အထိအဆင့်၃ပြီးမြောက်ခဲ့သည်။ အဆင့်၄ပြည့်ပြီးပါက ထာဝရအသက်ရှင်သန်နိုင်သူဖြစ်နိုင်၏။ သို့သော်လဲမတိုင်ခင်အသတ်ခံလိုက်ရသဖြင့်ချီစွမ်းအင်ပြင်းသောစိတ်ဝိဥာဉ်သာရှင်ကျန်တော့၏။ ဒီဘဝတော့အဆင့်၄ထိရောက်အောင်ကျင့်ရမည်ဟုဂျွန်ဂျောင်ကုတေးထားလိုက်သည်။