ရမ္မက်နွံ
Part 12
ဒီနေ့ သားသားလေးရဲမွေးနေ့ဖြစ်လေသည်။
မင်းရဲခေါင်ဆိုတဲ့လူက ပန်းခြံလိုက်ပို့မယ်ပြောပြီး
ရောက်မလာတာကြောင့် သူယောင်မယ်မှာ
အလကားနေရင်း စိတ်တိုနေရသည်။
" အလကားလူ ဘယ်မှာသွားပြီး အလေလိုက်
နေလည်း မသိဘူး "
သူယောင်မယ်သည် လက်ကိုင်ဖုန်းကိုယူကာ
ကျက်သရေတုံးဟု မှတ်သားထားသော
ဖုန်းနံပါတ်ကို ခေါ်ဖို့ ပြင်လိုက်သည်။
" ခေါ်စရာလား မိန်းမစျေးကျတယ် "
သူယောင်မယ်သည် ဆိုဖာခုံပေါ်မှာ ခြေမငြိမ်လက်မငြိမ်
နဲ့ ထိုင်လိုက်ထလိုက်ဖြစ်နေခဲ့သည်။ ဖုန်းခေါ်ရင်
ကောင်းမလား ဟု စဥ်းစားရင်းနဲ့ပဲ သို့လော သို့လော
ဖြစ်နေရသည်။
" မားမား ပါးပါးရောဟင် "
" ခဏလေးပါကွယ် အလုပ်ရှုပ်နေလို့နေမှာပါ
ကြီးသန်းရေ မမြင့်ကိုတွေ့မိသေးလား "
သူယောင်မယ်သည် ခြံထဲက ပန်းပင်တွေကို
ပေါင်းထိုးနေသော ဒေါ်သန်းအားလှမ်းမေး
လိုက်သည်။
" နောက်ဖေးမှာ ထင်တယ် မမြကိုကူနေတာ
ဖြစ်မယ် "
" ဟုတ် ကြီးသန်း "
ဦးမင်းလှကတော့ မင်းရဲခေါင်ခေါ်သွားတာမို့
အိမ်မှာ ရှိမနေခဲ့ပါ။ သူယောင်မယ် မှာ
စိတ်တွေ တအားတိုကာ ဒေါသတွေလည်း
အရမ်းထွက်နေတော့သည်။
" အလကားလူ ကတိမတည်တဲ့ မင်းရဲခေါင်
အစုတ်ပလုပ် "
သူယောင်မယ်သည် မင်းရဲခေါင်အား အားရ
ပါးရ ဆဲရေးကာ နောက်ဖေးသို့ ထွက်လာ
ခဲ့သည်။ နောက်ဖေး မီးဖိုချောင်မှာတော့
မမြင့်က ဒေါ်မြကို ကူညီပေးနေတာတွေ့ရသည်။
" မမြင့်ရေ သားသားကို ခဏကြည့်ထား
ပေးပါအုံး "
" မမလေး အပြင်သွားတော့မလို့လား
အကိုလေးကိုရော မစောင့်တော့ဘူးလား "
" သူ့ကို စောင့်နေရတာ ကြာနေပြီ ရာသီ
ဥတုက ပူတော့ ရေပြန်ချိုးမလားလို့ "
" ဟုတ်တယ်နော် မမလေး မျက်နှာမှာ
ချွေးသီးတွေစို့နေပြီ "
" ခဏကြည့်ထားပေးနော် ကြီးမြ ရတယ်မဟုတ်လား "
YOU ARE READING
ရမ္မက်နွံ
Romance" ဆေးလိပ်သောက်ရတာ ရှင်သိပ်သဘောကျပုံပဲ " " မင်းနှုတ်ခမ်းတွေကို နမ်းရတာပိုသဘောကျတယ် ဆိုရင် မင်းယုံမှာလား "
