ရမ္မက်နွံ
Part 7
မနက်ခင်းရောင်ခြည်တို့က ထွက်ပေါ်လာခဲ့လေပြီ။
တစ်စတစ်စကြားရသော ကျေးငှက်သံများက
နားဝင်ချိုလှသည်။
" ဝါး အိပ်လို့ကောင်းလိုက်တာ "
သူယောင်မယ်သည် မနက်၈နာရီထိုးမှပဲနိုးလေ
တော့သည်။ ညကတည်းက တစ်ချိုးတည်း
အိပ်ပျော်သွားတာဖြစ်ပြီး သူထသွားတာတောင်
မသိလိုက်ပါ။ ရေချိုးပြီး မျက်နှာသစ်ရန်
မတ်တပ်ရပ်လိုက်ပေမဲ့ ခါးအောက်ပိုင်းက
တဆစ်ဆစ်နာနေတာမို့ ကြိုးစားလျှောက်လာ
ရသည်။
" မင်းရဲခေါင် အယုတ်တမာကောင် တဏှာရူးကြီး
သူ့အသားမဟုတ်တိုင်း နာလိုက်တာ "
ပေတေကာ ရေချိုးခန်းထဲထိ လျှောက်လာခဲ့သည်။
ရေချိုးအဝတ်အစားလဲကာ အောက်ထပ်ကို
ဆင်းလာခဲ့လေသည်။ သားသားကတော့
နိုးနှင့်နေပြီ ဖြစ်သည်။ သို့ပေမဲ့ မင်းရဲခေါင်
ဆိုသော လူ၏ အရိပ်အယောင်ပင် မတွေ့ရချေ။
မတွေ့တာပဲ ကောင်းသည် မဟုတ်ရင် မယ်
မျက်နှာပူလွန်းလို့ နေစရာတောင် ရှိမှာမဟုတ်တော့။
" မမလေး မနက်စာစားတော့မလား "
" နေပါစေ ကြီးကြီး မယ်မစာသေးလို့ ဒါနဲ့
သူဘယ်သွားလဲဟင် "
မေးဖို့စိတ်ကူးမရှိပေမဲ့ ရုတ်တရက်ကြီး
မေးမိတော့လည်း မျက်နှာပူရသည်။
" သူဆိုတာ အကိုလေး မင်းရဲခေါင်ကို
ပြောတာလား "
" အင်း "
" အကိုလေးက အစည်းအဝေးရှိလို့ မနက်အစောကြီး
ထွက်သွားပါတယ် မမလေး လိုချင်တာရှိရင်
အကုန်လုပ်ပေးဖို့လည်း မှာထားခဲ့ပါသေးတယ် "
" ကြီးကြီး လုပ်စရာရှိတာလုပ်လေ သားသားကို
မယ် ထိန်းထားလိုက်မယ် "
ဘောလုံး နဲ့ ကစားနေသော သားသားကို
မယ်လှမ်းခေါ်လိုက်သည်။ သားသားက
မယ်နဲ့ ရေစက်ရှိဟန်တူသည် မယ့်စကားကို
နားထောင်သည်။ လိမ္မာရေးခြားရှိတာမို့
မယ့်မှာ အချစ်ပိုနေရသည်။
" မားမား တားတားနဲ့ကချားမို့ရား "
" ကစားမှာပေါ့သားသားရယ် ကြည့်ပါအုံး
သားတစ်ကိုယ်လုံးချွေးတွေနဲ့ "
YOU ARE READING
ရမ္မက်နွံ
Romance" ဆေးလိပ်သောက်ရတာ ရှင်သိပ်သဘောကျပုံပဲ " " မင်းနှုတ်ခမ်းတွေကို နမ်းရတာပိုသဘောကျတယ် ဆိုရင် မင်းယုံမှာလား "
