ရမ္မက်နွံ
Special Extra 1
သူယောင်မယ် တစ်ယောက် ဂါဝန်ဇစ်ညှပ်နေပြီးချွတ်မရတာမို့ပြာယာခတ်နေသည်။ဝတ်တုန်းကတော့ မယ်ရီကူညီပေးတာမို့ ပြဿနာမရှိ။
မယ်ရီကလည်း မင်းခန့်နဲ့ အပြင်ထွက်သွားတာမို့
တစ်ယောက်ထဲ ဒုက္ခတွေ့နေတော့သည်။
" အဲရစ် ညလည်းနက်နေပြီဆိုတော့ နားတော့လေ
မနက်ဖြန်တော့ မပြန်သေးပါနဲ့အုံးဟာ ငါ့မွေးနေ့
ထိတော့ နေမယ်မလား "
" ငါ့သမီးကလည်း နင့်သားနဲ့မခွဲနိုင်သေးဘူးတဲ့
မနေလို့လည်း မရဘူး "
အဲရစ်က ခြံထဲမှာ ဆော့နေသော ကလေးတွေကိုကြည့်ကာသဘောကျနေသည်။
" အဲရစ် နင်နဲ့ငါ ခမည်းခမက်တော်ရမယ် ထင်တယ်
ငါကတော့ နင့်သမီးကို ချွေးမအဖြစ် သတ်မှတ်လိုက်ပြီ "
အတည်ပေါက်ကြီး ပြောလာသော မင်းရဲကြောင့်
အဲရစ်ပြုံးမိသည်။
" ခုမှ ကလေး တွေပဲ ရှိသေးတာကို "
" ငါက ကြီးလာရင်ပေးစားမယ် ပြောတာပါ "
" နင်တောင် နင်ကြိုက်တာနင်ယူသေးတာပဲ ကလေးတွေကိုအတင်းပေးစားလို့တော့ ဘယ်ဖြစ်မလဲ "
" ငါ့သားကို ငါယုံတယ် ငါသားက နင့်သမီးကိုပဲ
ကြိုက်မှာ "
" သူတို့ချင်းချစ်ကြရင်တော့ ငါကသဘောတူပြီးသားပါနော် "
" နင်ပြောတာနော် "
" အေး "
မင်းရဲခေါင်ဟာ အသက်ကြီးလာသည်အထိ
ငယ်ငယ်ကလို အစအနောက်သန်နေစဲ ဖြစ်သည်။
" မင်းရဲ ငါနားတော့မယ် "
" အေးအေး သားရေ ညနက်နေပြီမဆော့နဲ့တော့
ပါးပါးဆီ လာခဲ့ "
နေရဲမာန်နဲ့ ဆိုဖီယာက မင်းရဲခေါင်ဆီကိုပြေးလာကြသည်။
" ပါးပါး သားဒီနေ့ ဖီဖီတို့နဲ့အိပ်မှာ "
" သားကလည်းကွာ "
ပါးစပ်ကသာ ပြောနေပေမဲ့ မင်းရဲခေါင်ရင်ထဲမှာတော့ဝမ်းသာလွန်းလို့ပန်းတွေပွင့်နေပြီဖြစ်သည်။
" ဦးဦး ကိုကို့ကို ဖီဖီတို့နဲ့ လာအိပ်ခိုင်းပါနော် "
" ကဲပါဟယ် ကလေးတွေက အတူတူအိပ်နေကျဆိုတော့ ခွဲသိပ်လို့ရအုံးမှာ မဟုတ်ဘူး ခွင့်ပြုလိုက်ပါ "
YOU ARE READING
ရမ္မက်နွံ
Romance" ဆေးလိပ်သောက်ရတာ ရှင်သိပ်သဘောကျပုံပဲ " " မင်းနှုတ်ခမ်းတွေကို နမ်းရတာပိုသဘောကျတယ် ဆိုရင် မင်းယုံမှာလား "
