𝖸𝗈𝗎'𝗋𝖾 𝖬𝗒 𝖣𝖾𝗌𝗍𝗂𝗇𝗒 [✔]

🔸Pt.3

အချိန်တပတ်ဆိုတာခဏလေးပဲ ကုန်ဆုံးသွားခဲ့တယ်..။ အခုတော့မိန်းကလေးတယောက်လို ခြေတလှမ်းလှမ်းလိုက်တိုင်းဝဲတက်သွားတဲ့ ဂါဝန်အဖ​ြူလေးနဲ့ ချိန်းဆိုထားတဲ့စားသောက်ဆိုင်ရှေ့ကိုရောက်နေခဲ့ပြီ.. ​ဆိုင်ထဲဝင်ဖို့ကိုစိတ်လှုပ်ရှားလွန်းလို့ ဆိုင်ရှေ့မှာ ခေတ္တမျှရပ်နေမိတယ်..။

စိတ်ငြိမ်သွားအောင်လုပ်ပြီးမှ ဆိုင်ထဲဝင်လာလိုက်တယ်.. ဆိုင်ထဲဝှေ့ကြည့်လိုက်တော့ ယွန်ဂီပြထားတဲ့ဓာတ်ပုံထဲကလူကို သူလှမ်းတွေ့လိုက်တယ်.. သူထိုလူအနားကိုလျှောက်လာနေတုန်းက ထိုလူကလည်းသူ့ကိုပင်ငေးကြည့်နေတယ်.. ဓာတ်ပုံထဲကထက်အများကြီးခန့်ညားတဲ့သူကြောင့် သူပိုပြီးစိတ်လှုပ်ရှားသွားတယ်.. ။

ထိုလူအနားရောက်တော့ ထရပ်ပြီးနှုတ်ဆက်ကာ.. သူထိုင်ဖို့ခုံလည်းဆွဲထုတ်ပေးသေးတယ်..။ ထိုင်ခုံကိုဆွဲယူလိုက်တဲ့ သူ့လက်ချောင်းကိုသတိပြုမိသွားတယ်.. စာလုံးသေးသေးလေးတွေရေးထားတဲ့ လက်တဖက်..။

ထိုလူကအရာရာပြည့်စုံလွန်းပါတယ်... အရပ်ကလည်းအရှည်ကြီး.. သူလည်းအရပ်ပုတဲ့သူမဟုတ်တာတောင် ထိုလူကအရပ်ကိုကရှည်လွန်းတယ်.. ခြောက်ပေကျော်လောက်ရှိမလားမသိဘူး..။ မျက်နှာကလည်းထင်ထားထက်အများကြီး ပိုကြည့်ကောင်းတယ်..။ပြီးတော့ ထိုသူပြုံးလိုက်တော့ ရှေ့သွားခပ်ကြီးကြီးကြောင့် မထင်ထားလောက်အောင်ချစ်စရာကောင်းလွန်းနေတယ်.. သူတချက်ပင်မှင်သက်သွားတယ်..။

ထိုလူကခဏခဏသူ့ကိုစိုက်ကြည့်နေတော့ ယောက်ျားလေးလို့ထင်သွားမှာကို သူကြောက်နေမိတယ်..။ ထိုသူကိုရှောင်ချင်စိတ်နဲ့ ခေါင်းငုံ့ပြီးအစားအသောက်တွေသာ စားနေလိုက်တော့တယ်..။

ပြန်ခါနီးလိုက်ပို့ပေးမယ်ဆိုလို့ အတင်းငြင်းပြီးပြန်ထွက်လာရတယ်..။ ဘာပဲဖြစ်ဖြစ် အကုန်အဆင်ပြေခဲ့သည်.. ဂျွန်ဂျောင်ဂုဆိုသူက သူ့ကိုမိန်းကလေးပဲထင်မှတ်ပြီး သဘောကျနေတာကို သူသတိထားမိတယ်..။ ဂျွန်ဂျောင်ဂုရဲ့အကြည့်တွေက ရဲတင်းလွန်းသလို စကားလည်းသေချာပြောတတ်တဲ့သူပင်..။

သိတာမကြာသေးတာကို..ခေါ်ပုံက ဂျင်ဂျင်~တဲ့.။ ဟက်! ဒါလေးတော့ သူကိုယ်တိုင်လည်းသဘောကျနေမိလို့ အပြန်Taxiပေါ်မှာ ပြန်ကြားယောင်ရင်းပြုံးနေမိတယ်..။