ရုတ်တရက်ဆိုသလို ဂျင်ဂျင်က သူ့လက်ကိုဆွဲဖြုတ်ပြီး လမ်းလျှောက်နေရာကနေရပ်တန့်လိုက်တော့ သူစိတ်ပူသွားခဲ့တယ်.. လူများနေတော့ ဂျင်ဂျင်နေထိုင်မကောင်းဖြစ်လာတာထင်တယ်.. ဂျောင်ဂု ဂျင်ဂျင့်ပခုံးလေးကိုထိန်းကာကိုင်လိုက်တယ်..
"ဂျင်ဂျင်.. အဆင်ပြေရဲ့လား.. ခေါင်းမူးလို့လား"
"အွန်း.. နည်းနည်းပါ"
"ဒါဆို ကိုယ်နဲ့အတူအိမ်ပြန်ရအောင်ပါ.. ဂျင်ဂျင်နေမကောင်းဖြစ်သွားမှာ ကိုယ်မလိုလားဘူး.."
"ဂျင်အဆင်ပြေပါတယ်.. အကို့အလုပ်ကလည်းအရေးကြီးတာပဲလေ.. ဂျင်တကယ်အဆင်မပြေရင်ပြောလိုက်ပါ့မယ်.."
"ဟုတ်ပါပြီဗျာ"
သူပြောင်းထားတဲ့ပုံစံကိုယုံကြည်မှုရှိရှိချပြဖို့ ဂျင်စိတ်ကူးလိုက်တယ်..။ စီနီယာမမှတ်မိလောက်ပါဟု သူထင်မှတ်လိုက်သည်..။ စီနီယာနဲ့မတွေ့ဖြစ်တာ ၃နှစ်ကျော်လောက်ရှိတော့မည်.. စီနီယာကဒီလိုသူဌေးတယောက်ဖြစ်နေမယ်ဆိုတာလည်း သူမသိခဲ့ပါ.. ။
"မင်္ဂလာပါ.. ဂျွန်ဂျောင်ဂုပါ.."
"ဟုတ်ကဲ့.. ကင်နမ်ဂျွန်းလို့ခေါ်ပါတယ်.."
ပထမဆုံးတွေ့ဆုံခြင်းဖြစ်တာကြောင့် လက်ဆွဲနှုတ်ဆက်လိုက်တယ်.. နမ်ဂျွန်းသတိထားမိလိုက်တာက ဂျွန်ဂျောင်ဂုဘေးကမိန်းကလေးကိုပင် အသိတယောက်နဲ့ရုပ်ဆင်နေသလို ခံစားလိုက်ရတယ်..။ ထို့နောက်ဂျောင်ဂုက တဆက်တည်းမိတ်ဆက်ပေးလာတယ်.. ။
"ဒါကကျွန်တော့်အမျိူးသမီးကင်မ်ဂျင်ဟီးပါ"
"ဟုတ်ကဲ့တွေ့ရတာဝမ်းသာပါတယ်.."
"ဟုတ်ကဲ့.."
နမ်ဂျွန်း ဂျင်ဟီးဆီလက်ကမ်းပေးရင်းလက်ဆွဲနှုတ်ဆက်ဖို့ပြင်လိုက်တယ်.. ဒါပေမဲ့ ထိုလက်ကိုဆွဲယူကာ ကြားဖြတ်ဝင်နှုတ်ဆက်လိုက်သူက ဂျွန်ဂျောင်ဂုဖြစ်နေတာကြောင့် သူတမျိုးတော့ဖြစ်သွားရတယ်..။
တဖက်မိန်းကလေးကလည်း ဂျောင်ဂုကြောင့်အားနာသွားသည့်ဟန် သူ့ကိုပြုံးပြတယ်..။ ဒီလိုကြည့်လိုက်တော့မှ ကင်မ်ဆော့ဂျင်နဲ့တူနေတယ်ဆိုတာ သူတပ်အပ်သိလိုက်တယ်.. ။ ဒါပေမဲ့လည်းမဖြစ်နိုင်ဘူးလေ သူသိတဲ့ကင်မ်ဆော့ဂျင်ကယောက်ျားလေးလေ.. ဆော့ဂျင်နဲ့ဂျင်ဟီးကြားမှာတခုခုပတ်တသက်မှုများရှိနေမလားလို့သာ သူတွေးလိုက်မိတယ်.. ကြုံမှမေးကြည့်ရအုံးမယ်..။
YOU ARE READING
𝖸𝗈𝗎'𝗋𝖾 𝖬𝗒 𝖣𝖾𝗌𝗍𝗂𝗇𝗒 [✔]
Fanfictionယောက်ျားလေးတစ်ယောက်ဟာ မိန်းကလေးအဖြစ်ဟန်ဆောင်ပြီး လက်ထပ်လိုက်တဲ့အခါ.... × Jeon Jung Kook × Kim Seok Jin × Kim Nam Joon
![𝖸𝗈𝗎'𝗋𝖾 𝖬𝗒 𝖣𝖾𝗌𝗍𝗂𝗇𝗒 [✔]](https://img.wattpad.com/cover/327691454-64-k939682.jpg)